Tasqyn kezinde azyq-túlik baǵasy qalaı qubyldy

<p>ASTANA. KAZINFORM &ndash; Saýda jáne ıntegratsııa mınıstrligi saýda komıteti tóraǵasynyń orynbasary Ernur Jáýtikbaev ortalyq kommýnıkatsııalar qyzmetinde ótken brıfınginde tasqynnyń saldary azyq-túlik baǵasyna qalaı áser etkenin aıtty.</p>

«Ótken aptada baǵa ındeksi 99,9%, al aıdyń basynan beri 99,7%, sý tasqyny bastalǵannan beri 99,8% boldy. Eger jyl basyndaǵy ındekspen salystyrsaq, 100,3%-ǵa jetti. ıAǵnı, 0,3% ósim bar.

Atyraýda baǵanyń ósýi +0,1%, Qostanaı, Ulytaý, Abaı jáne Pavlodar oblystarynda turaqty bolsa, Aqtóbe oblysynda – 1,7%, Aqmola, Batys Qazaqstan oblysynda – 0,2%, Soltústik Qazaqstan oblysynda - 0,1% tómendedi.

Búgingi tańda sý tasqynynan zardap shekken oblystarda jaǵdaı turaqty, azyq-túlikpen, onyń ishinde áleýmettik mańyzy bar azyq-túlikti jetkizý problemalary baıqalyp otyrǵan joq. Áleýmettik azyq-túliktiń baǵasy óskeni baıqalmaıdy. Kún saıyn saýda obektilerine monıtorıng júrgiziledi.», - dedi ol.

Sondaı-aq, ol 1 sáýirden beri áleýmettik mańyzy bar azyq-túliktiń baǵasyn negizsiz kótergenderdiń ústinen 326 ákimshilik qaýly shyǵaryp, 303 eskertý berilip, 23 aıyppul salynǵanyn aıtty.