Tasqyn kezinde áýe tehnıkasynyń jetkiliksizdigin sezdik – Tótenshe jaǵdaılar mınıstri

<p>ASTANA. KAZINFORM &ndash; Tótenshe jaǵdaı qyzmetiniń ókilderi kóktemdegi tasqyn kezinde óńirlerde ınjenerlik tehnıka men áýe kóliginiń jetkiliksizdigin sezingen. Bul týraly mınıstr Shyńǵys Árinov Úkimet otyrysynda aıtty.</p>

«Memleket basshysy elimizde bolǵan iri sý tasqynynyń saldaryn joıýda adam ólimine jol bermeý jáne halyqtyń qaýipsizdigin qamtamasyz etýdi tapsyrǵan bolatyn. Osyǵan baılanysty, mınıstrlik barlyq kúshter men quraldardy tótenshe jaǵdaı aımaǵynda qalǵan halyqty tez arada evakýatsııalaýǵa jáne avarııalyq-qutqarý jumystaryn júrgizýge jumyldyrdy. Qutqarý jumystary qolaısyz aýa raıy jaǵdaıynda jáne qıyn jerlerde júrgizildi», - dedi ol.

Mınıstr tasqyn kezinde áýe kóliginiń ornyna temirjol tasymalyn paıdalanýǵa týra kelgenin atap ótti.

«Apat bolǵan aımaqtarda ınjenerlik tehnıka men áýe kóliginiń jetispeýshiligi qatty sezildi. Tartylǵan tehnıkanyń basym bóligi sapasyz ári uzaq merzimdi jumystardy júrgizýge jaramsyz bolatyn. Osyǵan baılanysty, kóptegen kúshter men quraldardy temirjol eshelondarymen jáne áýe kemelerimen jóneltý júrgizildi», - dedi vedomstvo basshysy.