Tasqyn qaýpi jazyqtan keledi dep kútken joqpyz – vıtse-mınıstr

<p>ASTANA. KAZINFORM &ndash; Tótenshe jaǵdaılar vıtse-mınıstri Baýyrjan Syzdyqov Úkimet otyrysynan keıin ótken baspasóz konferentsııada jazyq daladan tasqyn qaýpi tónedi dep kútpegenderin aıtty.</p>

Brıfıng kezinde BAQ ókili Tótenshe jaǵdaılar mınıstrligi tasqynǵa nege taǵy daıyn bolmaı shyqqanyn suraǵan. Baýyrjan Syzdyqov ár jaǵdaıǵa der kezinde den qoıdyq dep esepteıtinin aıtty.

«11 óńirdiń 46 eldi mekeninde tasqynnyń aldy alyndy. Túsinip tursyz ba? Sý alǵan basqa 5 oblys týraly aıtsaq, baıqaǵan bolsańyzdar, sý ózenderden emes jazyqtan kelip jatyr. Shynymyzdy aıtsaq, sý biz kútpegen jaqtan keldi. ıAǵnı, sý daladan keldi. Baıqaǵan bolsańyz, keıingi 30 jylda sýdyń artýy daladan týyndaǵan joq bolatyn. Sondyqtan búgingi tańda «Tasqynǵa qarsy der kezinde den qoıdyq dep aıta alamyz. 46 eldi mekende sýdyń úılerge kirýin boldyrmadyq», - dedi ol

Vıtse-mınıstrdiń pikirinshe, jazyqtaǵy qar sýyn tasqynǵa qarsy daıyndyq kezinde esepke alý halyqaralyq tájirıbede de joq.

«Meni durys túsinbegen shyǵarsyz. Taǵy da qaıtalap aıtqym keledi, osyǵan deıin bolǵan tasqyn jaǵdaılary retteletin ózendermen baılanysty tirkeldi. ıAǵnı, sý qoımalary men gıdrotehnıkalyq ǵımarattar bar aýmaqtarda oryn alǵan. Al daladan aǵyp kelip jatqan sýdyń ózendermen qatysy joq. ıAǵnı, qardyń sýy tutastaı daladan kelip jatyr. Búgingi tańda daladan keletin qardyń sýy eshbir elde eskerilmeıdi. Túsinip tursyz ba? Ózenderden, sý qoımalarynan, bógenderden keletin sý ǵana eskeriledi. Osyny túsiný kerek», - dedi Baýyrjan Syzdyqov.