Tasqyn bolyp jatqan batys óńirlerdegi sý qoımalarynda ylǵal byltyrǵydan da az jınalǵan

<p>ASTANA. KAZINFORM &ndash; Sý resýrstary jáne ırrıgatsııa mınıstri Nurjan Nurjigitov Úkimet otyrysynda tasqyn bolyp jatqan batys óńirlerdegi sý qoımalarynda ylǵal byltyrǵydan da az jınalǵanyn málim etti.</p>

«Búginde ońtústik óńirlerdegi sý qoımalary jınaqtaý rejıminde tur jáne sýarý kezeńine daıyndyq jumystary júrgizilip jatyr. Aýmaqtaǵy 17 iri sý qoımalaryna orta eseppen 87% sý jınalǵan. Bul ótken jylǵy deńgeıden 8% artyq Barlyq sý sharýashylyǵy nysandarynda táýlik boıy kezekshilik pen monıtorıng uıymdastyrylǵan. Soltústiktegi 11 iri sý qoımasynda sý jınaý ortasha eseppen 84%. Bul ótken jylǵy deńgeıden 5% joǵary. Batys óńirlerde 7 iri sý qoımalarynyń ortasha sý jınaý deńgeıi 68%. Bul ótken jylǵy kórsetkishten 7% tómen», - dedi ol.

Nurdan Nurjigitovtiń aıtýyna qaraǵanda, Shyǵys óńirlerdegi 3 iri sý qoımasynda orta jınalǵan sý kólemi ótken jylmen deńgeıles – sý jınaý kólemi 65%.

«Ortalyq Qazaqstannyń 4 iri sý qoımasynda ortasha sý jınaý 90% quraıdy. Bul ótken jylǵy kórsetkishten 20% joǵary», - dedi vedomstvo basshysy.