Tashkentte TMD Іshki ister mınıstrleri Keńesiniń otyrysy ótti
QR ІІM-niń baspasóz qyzmetinen málim etkendeı, otyrysqa Dostastyq elderi ishki ister mınıstrlikteriniń/polıtsııanyń, TMD qatysýshy-memleketter aýmaǵyndaǵy uıymdasqan qylmysqa qarsy jáne basqa da qaýipti qylmys túrlerimen kúresti úılestirý bıýrosynyń (TMD UQQKB), Atqarý komıtetiniń, sondaı-aq TMD Terrorızmge qarsy kúres ortalyǵynyń basshylary qatysty.
Sharaǵa Qazaqstannan Іshki ister mınıstri, polıtsııa general-leıtenanty Erlan Turǵymbaev bastaǵan ІІM delegatsııasy bardy.
«Otyrysqa qatysýshylar TMD memleketteri ІІM-niń (Polıtsııa) jańa qaýip-qaterlerge qarsy turý jáne óz elderindegi qaýipsizdikti saqtaý salasyndaǵy yntymaqtystyq pen ózara is-áreketteriniń basty máseleleri men qylmysqa qarsy kúres boıynsha memleketaralyq baǵdarlamanyń oryndalý barysyn talqylady. Keńes músheleri Táýelsiz memleketter dostastyǵyna qatysýshy memleketteri ishki ister mınıstrlikteriniń (Polıtsııanyń) 2030 jylǵa deıingi basty ustanymdaryn, mindetterdi, yntymaqtastyq baǵytyn anyqtaıtyn yntymaqtastyq Tujyrymdamasyn jáne jańa kezeńdegi TMD qatysýshy memleketteri ІІM-niń ózara is-áreketteriniń úlgisin maquldady», - delingen mınıstrlik málimetinde.
Keńes Biryńǵaı tártipti, sondaı-aq keshendi kelisimderdi jáne TMD qatysýshy-memleketteri ІІM-niń jedel aldyn alý sharalaryn ótkizý Tártibin bekitti.
Delegatsııa basshylaryn Ózbekstan Respýblıkasynyń Prezıdenti Sh.M. Mırzıeev qabyldady. Ol óz kezeginde ishki ister mınıstrlikteriniń/polıtsııanyń TMD aıasyndaǵy qylmyspen kúreste odan ári yntymaqtastyqtyń qajettigine toqtaldy.