Tashkentte TMD elderi Qorǵanys mınıstrleri keńesiniń otyrysy ótti
Keńestiń jumysy bastalar aldynda qorǵanys vedomstvolarynyń basshylaryn Ózbekstan Prezıdenti Shavkat Mırzıeev qabyldady. Ol TMD-ǵa qatysýshy memleketter Qarýly Kúshteri arasyndaǵy ózara is-qımyldyń sıpatyna qanaǵattanýshylyǵyn bildirip, TMD elderiniń qaýipsizdigi úshin yntymaqtastyqty odan ári nyǵaıtý qajettigin atap ótti.
TMD QMK otyrysy barysynda taraptar ártúrli baılanys júıelerin paıdalaný, TMD elderiniń Qarýly Kúshterin 2020 jylǵa deıin ınjenerlik qamtamasyz etý salasyndaǵy yntymaqtastyq, 1941-1945 jyldardaǵy Uly Otan soǵysyndaǵy Jeńistiń 75 jyldyǵyn merekeleýge daıyndyq máselelerin talqylady. Sondaı-aq 2019 jyly Dostastyq memleketteri ÁShQQ birikken júıesiniń birlesken is-sharalaryn belgiledi.
Otyrys qorytyndysy boıynsha qorǵanys vedomstvolarynyń basshylary TMD sheńberinde birqatar oqý-jattyǵýlardyń ótkizilýine qatysty qujattarǵa jáne 2019 jylǵa arnalǵan Qorǵanys mınıstrleri keńesiniń jumys josparyna qol qoıdy. Sonymen qatar, topografııalyq salada áskerı vedomstvolardyń ózara is-qımylyn damytý, muraǵattyq qujattarmen almasý jáne áskerı-memorıaldyq jumys múddesinde derekqordy paıdalaný, dene daıyndyǵy jáne sport, áskerı BAQ, onyń ishinde, TMD-ǵa qatysýshy memleketter Qarýly Kúshteri áskerı jýrnalısteriniń «Ásker Medıa-2019» baspasóz festıvaline qatysýy jáne ózge de birqatar qujattarǵa qatysty odan arǵy damý baǵytyn aıqyndady.
Dál osy kúni QR Qorǵanys mınıstri Nurlan Ermekbaev TMD-ǵa qatysýshy memleketter qorǵanys vedomstvolarynyń birqatar basshylarymen birneshe ekijaqty kezdesý ótkizdi. Onyń barysynda áskerı yntymaqtastyqtyń basymdyqtary talqylandy. Sondaı-aq sapar barysynda qorǵanys vedomstvosynyń basshysy Ózbekstan Respýblıkasy Qarýly Kúshteriniń akademııasyna bardy. Onda oqý úderisi jáne áskerı kadrlardyń daıyndyǵymen tanysty.