Tashkentte ShYU forýmynyń otyrysy bastaldy

<p>TAShKENT. KAZINFORM &ndash; Tashkentte Ózbekstan Respýblıkasy Prezıdenti janyndaǵy Strategııalyq jáne aımaqaralyq zertteýler ınstıtýtynyń (SAZI) tóraǵalyǵymen Shanhaı yntymaqtastyq uıymy forýmynyń HІH otyrysy bastaldy. Bul týraly <a href="https://uza.uz/uz/posts/toshkentda-shht-forumi-yigilishi-boshlandi_604957" target="_blank" rel="noopener">UzA</a> habarlady.</p>

Konferentsııaǵa 40-tan astam sarapshy, onyń ishinde múshe memleketterdiń ulttyq zertteý ortalyqtarynyń delegatsııalary, baqylaýshy memleketterdiń sarapshylary, baılanys seriktesteri, sondaı-aq ShYU Hatshylyǵy qatysyp jatyr.

«Qazirgi zamandaǵy jaǵdaılarda ShYU róli: ortaq qaýipsizdik, turaqtylyq jáne órkendeý jolyndaǵy kúsh-jigerdi biriktirý» taqyrybyndaǵy is-sharanyń kún tártibine úsh negizgi sessııa kiredi.

Anyqtama úshin: ShYU forýmy 2006 jyly qurylǵan jáne kópjaqty konsaltıngtik, saraptamalyq jáne zertteý qurylymy, qurylym qyzmetin ǵylymı qamtamasyz etýdiń avtonomdy tetigi bolyp tabylady. Forým otyrystary múshe memleketterdiń ulttyq ǵylymı ortalyqtarynyń qatysýymen jylyna bir ret ótkiziledi.