Tashkentte shahtada jarylys oryn aldy, 25 adam qaza tapty

ASTANA. QazAqparat - Tashkent oblysy Ahangaran aýdanynda altyn óndiretin qaraýsyz qalǵan shahtada jarylys oryn alyp, 25 adam qaza tapty, dep habarlady juma kúni "Ozodlık" radıostanasy, dep jazady RIA Novostı.

Radıostansa derekterine súıensek, 13 shildede Kochbýlak aýylyna jaqyn ornalasqan Almalyq taý-ken-metallýrgııalyq kombınatyna tıesili qaraýsyz shahtada kúshti jarylys oryn aldy. "Saldarynan 25 adam qaza tapty", - dep habarlady oqıǵa ornyndaǵy kózderge silteme jasap "Ozodlık". BAQ qaraýsyz shahtada zańsyz altyn óndirmek bolǵan eki top arasynda janjal oryn alyp, jarylys sonyń saldarynan bolǵanyn atap ótedi. "Kochbýlak aýylynyń turǵyndary toppen altyn izdeýge kelgen. Sol kúni eki top arasynda janjal oryn alǵan, jeńilgen jaq shahtany ustap turǵan baǵandy órtep jibergen. Іshte qalǵandarǵa taý qulap, olar ýly tútinge ýlanǵan", - dep keltiredi "Ozodlık" jergilikti turǵyndardyń biriniń sózin keltirip. Respýblıkanyń resmı bılik ókilderi bolǵan jaǵdaıǵa qatysty ázirge esh túsinik bermeı otyr.