Tashkentte S5+1 formatyndaǵy mınıstrler kezdesýi ótedi
Kezdesýge Qazaqstan, Qyrǵyzstan, Tájikstan, Túrikmenstan, Ózbekstan syrtqy ister mınıstrleri men AQSh-tyń memlekettik hatshysy Maık Pompeo qatysady.
«Qazaqstan S5+1 dıalogy aıasyndaǵy seriktesýdiń aımaqtyq formatyn belsendi túrde qoldaıdy. Erteń biz Tashkentte S5+1 dıalogy aıasynda mınıstrler kezdesýin ótkizýdi josparlap otyrmyz. AQSh-tyń aımaqtyq jobalarǵa uzaq merzimdi qatysýy Ortalyq Azııa aımaǵynyń ekonomıkasyna ınvestıtsııalar men tehnologııalardy tartýdy júzege asyrady, memleketterimizdiń ómir súrý sapasyn jaqsartýdy qamtamasyz etedi, sonymen qatar kórshi elderge tabysty eksport jasaýǵa múmkindik beredi. Bul AQSh-tyń Ortalyq Azııadaǵy strategııasynyń basym baǵyttarynyń biri, ol bizdiń aımaqpen seriktestikti nyǵaıta túsedi», - deıdi QR Syrtqy ister mınıstri Muhtar Tileýberdi QR SІM-de ótken baspasóz konferentsııasynda.
Erteń bolatyn S5+1 formatyndaǵy kezdesý týraly Maık Pompeo da pikir bildirdi.
«C5 +1» formatyndaǵy kezdesýdiń lańkestik pen ekstremızm máselelerin sheshýdegi yntymaqtastyq salasyndaǵy jetistikterin atap ótkim keledi. Bul toptaǵy Qazaqstannyń kóshbasshylyǵy alǵa qoıylǵan mindetterdiń oryndalýyn qamtamasyz etedi. Erteń bolatyn Tashkenttegi kezdesýdi asyǵa kútem», - dedi ol.