Tashkentte ozyq bilim jáne ǵylymı zertteýler ortalyǵy ashylady

TAShKENT. QazAqparat - Tashkent jerdi sýlandyrý jáne aýyl sharýashylyǵyn mehanızatsııalaý ınjenerleri ınstıtýty (TIIIMSH) men Ortalyq Azııa óńirlik ekologııalyq ortalyǵy (RETsTsA) arasyndaǵy memorandým aıasynda Tashkentte ozyq bilim jáne ǵylymı zerteýler ortalyǵy ashylady, dep habarlaıdy «QazAqparat» HAA menshikti tilshisi.

Qol qoıý sharasyna bir taraptan atalǵan oqý ornynyń rektory, professor Ýktam Ýmýrzakov, ekinshi jaǵynan - Ortalyq Azııa óńirlik ekologııalyq ortalyǵynyń atqarýshy dırektory Iskandar Abdýllaev qatysty.

Tashkent jerdi sýlandyrý jáne aýyl sharýashylyǵyn mehanızatsııalaý ınjenerleri ınstıtýtynan Qazaqstan, Qyrǵyzstan, Tájikstan, Túrikmenstan jáne basqa da aımaqtan kelgen stýdentter bilim alady.

Memorandýmǵa qol qoıý aıasynda Ortalyq Azııadaǵy alǵashqy «Ozyq bilim jáne ǵylymı zertteýler ortalyǵyn» qurý týraly sheshim qabyldandy.

Ortalyqtyń ashylýy  Dúnıejúzilik qorshaǵan ortany qorǵaý kúnine arnalǵan Ortalyqazııalyq halyqaralyq ekologııalyq forým ótkizilýi qarsańyna oraılastyrylǵan. Forým 2018 jyldyń maýsym aıynda Tashkentte ótedi dep josparlanyp otyr.