Tashkentte Ózbekstan ǵalymyna «Qazaqstan halqy Assambleıasyna 20 jyl» medali tabys etildi
13:18, 11 Aqpan 2016
TAShKENT. QazAqparat - Ózbekstan Respýblıkasyndaǵy QR Elshiliginde QR Prezıdenti N. Á. Nazarbaevtyń Jarlyǵyna sáıkes Qazaqstan halqy Assambleıasynyń 20-jyldyǵyna oraı Ózbekstan Respýblıkasy akademııalyq ortanyń kórnekti ókilderine «Qazaqstan halqy Assambleıasyna 20 jyl» mereıtoılyq medalin saltanatty tapsyrý rásimi ótti.
Sonymen, qurmet nagradasynyń ıegerleri - Ózbekstan Respýblıkasy Ǵylym akademııasy Tarıh ınstıtýtynyń «Zamanaýı tarıh jáne halyqaralyq zertteýler» bólimi meńgerýshisiniń orynbasary, fılosofııa ǵylymdarynyń kandıdaty Nazarov Ravshan Rınatuly jáne Nızamı atyndaǵy Tashkent memlekettik pedagogıkalyq ýnıversıtetiniń «Demokratııalyq qoǵamdy qalyptastyrý teorııasy jáne praktıkasy» kofedrasynyń dotsenti, tarıh ǵylymdarynyń kandıdaty Sabyrov Álisher Tursynuly.