Tashkentte ótip jatqan Azııa chempıonatynda Qazaqstan qorjynyna alǵashqy medal tústi

<p>TAShKENT. KAZINFORM &ndash; Ózbekstan astanasy Tashkent qalasynda kórkem gımnastıkadan ótip jatqan lıtsenzııalyq Azııa chempıonatynda el quramasy alǵashqy júldesine qol jetkizdi.</p>

Atap aıtar bolsaq, toptyq jattyǵýdan Qazaqstan komandasy kópsaıysta Azııa birinshiliginiń qola júldegeri atandy.

Qazaqstandyq gımnasshylar bes shyǵyrshyqpen, sondaı-aq, eki dop, úsh taspamen jattyǵýdan jalpy esepte úshinshi orynǵa taban tiredi.

Otandastarymyz 5 shyǵyrshyq jattyǵýy úshin 32.05 upaı alsa, 2 dop, 3 taspa jattyǵýynda 29.25 upaı enshiledi.

Aıta ketelik, toptyq jattyǵýdan Qazaqstan komandasyn reseılik maman Inna Bysrova jattyqtyrady.

Esterińizge sala keteıik, osyǵan deıin Eljana Tanıeva men Aıbota Ertaıqyzy Azııa chempıonatynyń fınalyna shyqqanyn jazǵan bolatynbyz.

Jeńimpaz ben júldegerler 4 mamyrda anyqtalady.