Tashkentte Naýryz meıramy qalaı toılanady

TAShKENT. QazAqparat - Kontsertter, halyq qolónershileriniń kórmeleri, ulttyq oıyndar, baı dastarhan máziri - Ózbekstan astanasynda Naýryz meıramy osylaısha keń kólemde atalyp ótýde, dep habarlaıdy QazAqparat tilshisi.

Bultty aýa raıyna qaramastan, Tashkenttegi jappaı merekelik sharalar qalanyń barlyq derlik buryshtarynda – Navrýz, Anhor, Ashhabad, Tashkent sıtı saıabaqtarynda, sondaı-aq saýda jáne oıyn-saýyq ortalyqtarynda, qalalyq teatrlar men tsırkte ótip jatyr. Karnaılar men surnaılar merekeniń bastalǵanyn habarlady. Folklorlyq-etnografııalyq toptar án men bıden ózbektiń ulttyq mádenıetin pash etti.

Arqan boıymen júretinderdiń óneri, ulttyq kıimderdiń kórsetilimi, halyq qoldanbaly óneriniń kórmesi, balalardyń kóńildi bıleri barshaǵa qýanyshty kóńil-kúı syılady. Ádette, kóktemniń kelýin toılaý ózbek ashanasynyń injý-marjandarynsyz ótpeıdi. Otta palaý, tandyrda samsa, tostaǵandaǵy kók shaı, árıne Naýryzdyń basty taǵamy - súmalaq. Jyldyń berekeli bolýy dastarhan mázirine de baılanysty. Ejelgi mereke zamanaýı ómirge úılesimdi túrde ózgerdi. Atap aıtqanda, ózbekstandyqtar osy kóne ádet-ǵuryptar men dástúrlerdi saqtaı otyryp, kórshilerimen tatý-tátti tirshiligin jalǵastyra otyryp, jańa kóktem men Naýryz merekesin toılaýdy jalǵastyrýda.

Avtory: Mádıbek Jánibekov