Tashkentte Naýryzdy qalaı toılap jatyr

<p>TAShKENT. KAZINFORM &ndash; Ózbekstan astanasynda Naýryz meıramyna oraı merekelik seıil, kontsert, qolóner sheberleriniń kórmesi men ulttyq oıyndar uıymdastyrylyp, turǵyndarǵa táttiler taratylýda, dep habarlaıdy Kazinform agenttiginiń Tashkenttegi menshikti tilshisi Álıhan Asqar.</p>

Merekelik sharalar Tashkent qalasynyń barlyq bóliginde, atap aıtqanda Anhor, Ashgabat, Central Park, Tashkent City Park, Magic city sııaqty saıabaqtar men basqa da jerlerde keń aýqymda ótip jatyr.

Foto: Álıhan Asqar/Kazinform

Kóshelerden estilgen kerneı men syrnaıdyń sazy merekeniń bastalǵanynan habar berip, barsha turǵyndy meıramdy toılaýǵa shaqyrýda. Al, folklorlyq-etnografııalyq toptardyń án-bıler arqyly beınelep, jetkizip jatqan ózbek ulty mádenıetiniń qaıtalanbas biregeı bolmysy kórermenderdi baýrap alady.

Sondaı-aq, merekege oraı uıymdastyrylǵan qoıylymdar, ulttyq kostıýmder kórsetilimi, qoldanbaly óner kórmesi, balalardyń kóńildi bıleri barlyǵyna kóterińki kóńil-kúı syılaıdy.

Foto: Álıhan Asqar/Kazinform

Bularmen qatar, Tashkentte Naýryzdy baı ózbek ashanasynyń taǵamdarynsyz elestetý múmkin emes. Qazanda - palaý, tandyrda - samsa, kesede – kók shaı jáne kóktem merekesiniń basty taǵamy - sýmalıak. Bul ejelgi kezeńderden beri bıdaıdan daıyndalatyn ulttyq as sanalady, ol úlken qazanda bir táýlik boıy qaınatylady. Onyń quramy kóktem mezgilinde álsireıtin adam azǵasyna taptyrmaıtyn dárýmenderge toly.

Foto: Álıhan Asqar/Kazinform

Naýryz búgingi zamanǵa deıin qundylyqtaryn joǵaltpaı jetip, qazirgi dáýir men tarıhty baılanystyratyn kúshke aınalǵandaı. Sondyqtan ózbekstandyqtar bul kúnderi ádet-ǵuryp, salt-dástúrin saqtaı otyryp, keler urpaqqa tabıǵatpen úndestikte ómir súrý prıtspterin dáripteýge den qoıady.

Foto: Álıhan Asqar/Kazinform