Tashkentte mas ana gúl dúkeninde qyzyn aıaýsyz soqqyǵa jyqty

<p>Áleýmettik jelide gúl dúkeninde gúl surap jatqanda V.A.-nyń mas kúıinde qyzy V.I.-dy balaǵattap, uryp-soǵyp jatqany týraly vıdeohabarlamalar tarady, dep habarlaıdy QazAqparat Ózbekstan Balalar ombýdsmeniniń resmı <a href="https://t.me/Bolalar_ombudsmani/71" target="_blank" rel="noopener">Telegram-kanalyna</a> silteme jasap.</p>

Balalar ombýdsmeni dúkende anasynan taıaq jegen qyzdyń jaǵdaıyna qatysty resmı málimdeme jasady.
Oqıǵa Myrza Ulyqbek aýdany «Oqıbat» móltek aýdanyndaǵy Markaz-1 oramynda ornalasqan dúkende bolǵany anyqtaldy. Sol jerde bolǵan azamattar oqıǵany vıdeoǵa túsirip, taratqan.

Bul jaǵdaı birden Balalar ombýdsmeniniń baqylaýyna alyndy. Qazirgi ýaqytta ana V.A.-nyń áreketin baǵalaýǵa baılanysty aýdandyq ІІB tarapynan tergeý amaldary júrgizilýde.

Balalar ombýdsmeniniń aıtýynsha, anasynyń mundaı zorlyq-zombylyǵynan zardap shekken qyz Tashkent qalasyndaǵy kámeletke tolmaǵandardy áleýmettik-quqyqtyq qorǵaý ortalyǵyna ornalastyrylǵan. Áıeldi analyq quqyǵynan aıyrý máselesi qaralýda.