Tashkentte qoımada kúshti jarylys boldy

<p>28 qyrkúıekke qaraǵan túni Tashkenttiń Sirgeli aýdany &laquo;Qurylysshylar&raquo; fılıalyndaǵy &laquo;Inter Logistics&raquo; jaýapkershiligi shekteýli seriktestigine tıesili qoımada kúshti jarylys boldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi <a href="https://www.gazeta.uz/uz/2023/09/28/explosion/" target="_blank" rel="noopener">Gazeta.uz</a>-ne silteme jasap.</p>

Jergilikti ýaqytpen saǵat 2:43-te TJM-ǵa órt týraly habar kelip túsken. Jarylystan keıin Tashkenttiń Sirgeli aýdanyndaǵy qoımada órt shyqty. Zardap shekkender bar. Jelilerdegi beınejazbalarda úı men basqa da zattardyń qatty zaqymdalǵanyn kórýge bolady. Qazir tilsiz jaý aýyzdyqtaldy. Órt sóndirý jumystary jalǵasyp jatyr.

Oqıǵa ornyna 16 órt sóndirý brıgadasy men 3 júk kóliginiń júrgizýshisi saǵat 02:48-de jetken.

Áleýmettik jelide taraǵan vıdeolardan qatty jarylys estiledi. Jaqyn mańdaǵy úıler, saýda jáne basqa da ortalyqtar aıtarlyqtaı zardap shekken. Jedel járdem páterlerdi de aralap júr.

TJM oqıǵanyń ushaq apaty saldarynan bolǵany týraly aqparatty joqqa shyǵardy.

Densaýlyq saqtaý mınıstriniń málimetinshe, jarylys saldarynan zardap shekkender Respýblıkalyq jedel medıtsınalyq járdem ǵylymı ortalyǵy men onyń Tashkent oblysyndaǵy fılıalyna jetkizilgen.

«Ázirge olardyń arasynda aýyr jaraqat alǵandar joq. Dárigerler zardap shekkenderge barlyq qajetti medıtsınalyq kómek kórsetip jatyr», - delingen habarlamada.

Jarylystyń sebebi anyqtalǵan joq. Órt áli tolyǵymen sónbedi. Zardap shekkender men zaqymdanǵan kólikter sany anyqtalyp jatyr.