Tashkentte Geıdar Alıev mádenıet ortalyǵynyń dırektory TÚRKSOI medalimen marapattaldy

ASTANA. QazAqparat - Ózbekstan astanasy Tashkenttte Azerbaıjan elshiligi janyndaǵy Geıdar Alıev atyndaǵy Ázerbaıjan mádenıet ortalyǵynyń dırektory (ÁMO)  Samır Abbasov TÚRKSOI arnaıy medalimen marapattaldy.

AZERTADJ habarlaǵandaı, TÚRKSOI-dyń kórnekti Ázerbaıjan aqyny Molla Panah Vagıftiń 300 jyldyǵyna oraı 2017 jyldy «Molla Panah Vagıf Jyly» dep jarııalaýyna baılanysty kóptegen is-sharalar men jobalar júzege asyryldy.

Solardyń biri - álemniń kóptegen tilderinde Molla Panah Vagıftiń «Tańdamaly shyǵarmalaryn» shyǵarý. Óleńder jınaǵy 12 tilde - ázerbaıjan, túrik, ózbek, qazaq, qyrǵyz, túrikmen, bashqurt, tatar, aǵylshyn, ıtalıan, orys jáne ýkraın tilderinde basyp shyǵaryldy.

TÚRKSOI bas dırektory Dúısen Kaseınov, osy jobany ózbek tilinde basyp shyǵarýǵa qosqan úlesi úshin Ortalyqtyń dırektory S.Abbasovty marapattady.