Tashkentte «C5+1» qatysty birlesken málimdeme qabyldandy
Bul formatqa sondaı-aq Túrikmenstannyń Vıtse-premeri – Syrtqy ister mınıstri Rashıd Meredov, Qyrǵyzstan Syrtqy ister mınıstri Chıngız Aıdarbekov, Tájikstan Syrtqy ister mınıstri Sırodjıddın Mýhrıddın, Ózbekstan Syrtqy ister mınıstri Abdýlazız Kamılov jáne AQSh Memlekettik hatshysy Maıkl Pompeo qatysty.
M. Tileýberdi óz sózinde Ortalyq Azııa memleketteriniń óńirlik ózara is-qımylynyń nyǵaıýyna basa nazar aýdaryp, Nur-Sultan men Tashkentte ótkizilgen aımaq elderi kóshbasshylarynyń Konsýltatıvtik kezdesýleriniń joǵary nátıjeliligin erekshe atap ótti. Kezdesýge qatysýshylar ekonomıka, energetıka, qorshaǵan ortany qorǵaý jáne qaýipsizdik salasyndaǵy óńirlik yntymaqtastyqty tereńdetýdiń mańyzdylyǵyn atap ótti.
«AQSh Halyqaralyq damýyn qarjylandyrý korporatsııasy Ortalyq Azııaǵa amerıkalyq ınvestıtsııalardyń aǵynyn jandandyrýǵa kómek kórsete alady. Qazaqstandaǵy Amerıka agenttiginiń seriktesi retinde «Astana» Halyqaralyq qarjy ortalyǵynyń alańyn usynamyz», - dedi M. Tileýberdi.
Mınıstr óńirdiń tranzıttik-kóliktik múmkindikterin damytý qajettiligine, sondaı-aq qurylatyn Ortalyq Azııa óńirlik energetıkalyq naryǵynyń áleýetine nazar aýdardy. Bul saladaǵy bastamalardy iske asyrý úshin platforma retinde Qazaqstan SІM basshysy Halyqaralyq jasyl tehnologııalar men ınvestıtsııalyq jobalar ortalyǵyn paıdalanýdy usyndy.
Mınıstrlik kezdesýdiń qorytyndysy boıynsha «C5+1» aımaqtyq kún tártibindegi basym máseleler kórsetilgen birlesken málimdeme qabyldandy.
«S5+1» formaty Ortalyq Azııa men AQSh elderi arasyndaǵy ózara is-qımyldyń óńirlik tetigi bolyp tabylady. 2015 jylǵy 26 qyrkúıekte Nıý-Iorktegi BUU Bas Assambleıasynyń alańynda alty eldiń syrtqy saıası vedomstvolary basshylarynyń kezdesýi ótti. Syrtqy ister mınıstrleri deńgeıinde jeti otyrys ótti.