Tashkentte Azııadaǵy regbı sportynyń damýy talqylandy

<p>Ózbekstan Ulttyq ýnıversıtetiniń stadıonynda regbı-7 boıynsha &ldquo;Open Central Asia Championship&rdquo; jarysy ótti, dep habarlaıdy <a href="https://kaz.inform.kz/news/atirau-oblisinda-zhil-basinan-ber-43-adam-aitv-infektsiyasin-zhuktirgan-32ed29/Kazinform." target="_blank" rel="noopener">Kazinform </a><a href="https://uza.uz/uz/posts/toshkentda-regbi-sportining-osiyodagi-rivozhi-muhokama-qilindi_542974" target="_blank" rel="noopener">UzA</a>-ǵa silteme jasap.</p>

Týrnırge Qazaqstan, Ózbekstan jáne Qyrǵyzstannan 100-den astam regbıshi qatysyp, komandalar óz ónerlerin kórsetip, júldeli oryndarǵa ıe boldy.

Tartysty básekeniń qorytyndysy boıynsha erler arasyndaǵy jarysta Ózbekstan-1 jáne Ózbekstan-2 komandalary altyn jáne kúmis medaldi enshiledi, qola júldeni Qyrǵyzstan ókilderi ıeledi.

Áıelder arasyndaǵy matchtardyń qorytyndysy boıynsha Qazaqstan quramasy jeńiske jetti. Qalǵan júldeler Ózbekstannyń regbı komandalaryna buıyrdy.

Chempıonat aıasynda Azııa regbı federatsııasynyń 2023 jyldyń qorytyndysy men kelesi jylǵa arnalǵan josparlaryna arnalǵan jıyn uıymdastyryldy.

Azııa regbı federatsııasynyń prezıdenti Kaıs Al-Dhalaı men federatsııanyń atqarýshy komıtetiniń músheleri qatysqan jıynda atqarylǵan jumystardyń esebi tyńdaldy. Regbı-7 jáne regbı-15 jarystaryna ulttyq quramalardyń qatysýyn qamtamasyz etý, tóreshilik jáne jattyqtyrýshylyq qyzmeti boıynsha oqý kýrstarynda bilim alý, bedeldi jarystarǵa daıyndyq syndy máseleler jan-jaqty talqylandy.

Jıyn sońynda Azııa regbı federatsııasynyń basshylary Tashkentte regbı-7 túrinen “Open Central Asia Championship” joǵary deńgeıde uıymdastyrylǵanyn tilge tıek etti.