Tashkentte aýany qorǵaý maqsatynda AI-80 benzınine, kómirge, mazýtqa tyıym salý usynyldy

<p>Tashkentte Ekologııa mınıstrligi aýany qorǵaýdyń birqatar sharasyn usyndy. Olardyń ishinde: AI-80 benzınin, sondaı - aq jylý jáne elektr stantsııalarynda mazýt pen kómirdi paıdalanýǵa tyıym salý, qarbalas ýaqytta júk kólikteriniń qozǵalysyn shekteý bar. Bul týraly <a href="https://kaz.inform.kz/" target="_blank" rel="noopener">Kazinform</a> <a href="https://www.gazeta.uz/ru/2024/01/12/save-air/" target="_blank" rel="noopener">Gazeta.uz</a> saıtyna silteme jasap habarlaıdy.</p>

Elde atmosferalyq aýanyń lastaný kózderin baqylaý beketteri engiziledi ári qorshaǵan ortany baqylaý úshin avtomatty stantsııalar ornatylady.

Sonymen qatar, Ekologııa mınıstrligi aýanyń lastanýyna qaraı tómendegi talaptardy usynady:

Otyndy, atap aıtqanda, «Eýro-4» standartynan tómen ekologııalyq sanattaǵy AI-80 markaly benzındi paıdalanýǵa tyıym salý;

joldardaǵy keptelisterdi azaıtý jáne qozǵalys qaýipsizdigin qamtamasyz etý maqsatynda Tashkent aýmaǵynda júk tasymaldaýǵa arnalǵan salmaǵy 3,5 jáne 12 tonnadan asatyn kólik quraldarynyń qozǵalysyn saǵatyna — 7:00 — den 10:00-ge deıin jáne 17:00-den 20:00-ge deıin shekteý;

2010 jylǵa deıin shyǵarylǵan avtokólik quraldarynyń barlyq túrleriniń qozǵalysyna tyıym salý,

Elektromobılderge kóshý kezinde avtokólik quraldarynyń ıelerine jeńildikter, preferentsııalar men sýbsıdııalar berý;

Avtomagıstraldardaǵy keptelisterdi azaıtý maqsatynda avtomobıl qozǵalysyn ońtaılandyrý úshin eksperıment retinde «taq jáne jup» kúnderde kólik júrgizý erejesin engizý;

qoǵamdyq kólikti elektr, gaz ballondy otynmen jáne basqa da balamaly otyn túrlerimen paıdalanýǵa aýystyrý, sondaı-aq jol ınfraqurylymyn uıymdastyrý;

Tashkent oblysynyń Tashkentke irgeles aýdandarynda kómirdi ónerkásiptik maqsatta paıdalanýǵa tyıym salý;

Jylý ortalyqtarynda mazýtty rezervtik otyn retinde paıdalanýǵa tyıym salý;