Tashkentte arqanjolmen júretin qoǵamdyq kólik paıda bolady

<p>TAShKENT. KAZINFORM &ndash; Shenchjende (QHR) Tashkent qalasy hokıminiń mindetin atqarýshy Shavkat Ýmýrzakov bastaǵan delegatsııa Beijing North Bartholet Ropeway Technology Co.Ltd kompanııasynyń ókilderimen kezdesti, dep habarlaıdy Kazinform agenttiginiń menshikti tilshisi Álıhan Asqar.&nbsp;</p>

Kezdesý barysynda Sh.Ýmýrzakov Ózbekstan basshysy Shavkat Mırzıeevtiń tapsyrmasyna saı Tashkent aýmaǵynda iske asyrý josparlanǵan iri jobalar, onyń ishinde «jasyl» transportty damytý baǵdarlamalary týraly baıandady.

Jergilikti quzyrly organnyń baspasóz qyzmetinen málim etkendeı, kompanııanyń TMD elderimen jumys jónindegi dırektory Beı Kıý Tashkent tarapynyń osy baǵyttaǵy barlyq bastamalaryn qoldaýǵa daıyn ekenin bildirdi. 

«Toshkent Invest Kompaniyasi» AQ men qytaılyq kompanııa arasyndaǵy kezdesý nátıjesi boıynsha ınvestıtsııalyq kelisimge qol qoıyldy. Bul joba arqanjol arqyly taksı sııaqty qyzmet kórsetýge baǵyttalǵan. Onyń sulbasy kópshilik nazaryna usynylady. Odan jınalatyn halyq usynysy men pikiri Beijing North Bartholet Ropeway Technology Co.Ltd kásiporynynyń konstrýktorlyq keńsesine jiberiledi. Kompanııa óz kezeginde olardyń oryndalýyna jaýapty bolady.