Tashkente baǵyt alǵan ushaq Almaty áýejaıyna qaıta qonýǵa májbúr boldy

Almatydan Tashkentke ushyp shyqqan Air Astana áýe kompanııasynyń ushaǵy qozǵaltqyshtan aqaý shyǵýyna baılanysty áýejaıǵa qaıta oraldy, dep habarlaıdy QazAqparat.

«17 qyrkúıek kúni A320 áýe kemesimen Almaty-Tashkent baǵyty boıynsha ushyp shyqqan KS 127 reısi qozǵaltqyshynyń tehnıkalyq aqaýyna baılanysty áýejaıǵa qaıta qondy. Ushaq shtatty jaǵdaıdy jerge qondy. Jolaýshylarǵa tamaq pen sýsyn berildi. Qazirgi tańda reıs qosalqy ushaqpen jóneltilmek»,-dep habarlady áýe kompanııasynyń baspasóz qyzmeti.

Tap osyndaı jaǵdaı bıyl kóktemde bolǵan edi. Ol kezde Almatydan Tashkentke shyqqan Air Astana áýe kompanııasynyń ushaǵy akkýmýlıator batareıasyn qýattaý qurylǵysynyń durys istemeı turǵandyǵynan habar beretin dabyl belgisine baılanysty áýejaıǵa qaıta oralǵan bolatyn.

Elaman Turysbekov