Tashkent pen Samarqan 2024 jylǵy TMD astanalary bolyp tańdaldy
03:34, 15 Sáýir 2023
SAMARQAND. QazAqparat – TMD Syrtqy ister mınıstrleri keńesiniń otyrysynda Samarqan - Dostastyqtyń 2024 jylǵy mádenı astanasy, al Tashkent jastar astanasy bolyp jarııalandy. Bul týraly kezdesý qorytyndysy boıynsha brıfıngte TMD bas hatshysy Sergeı Lebedev málimdedi, dep habarlaıdy QazAqparat tilshisi.
«2024 jylǵy TMD-nyń mádenı astanasy dárejesin Samarqanǵa, al sol jyly jastar astanasy dárejesin Tashkentke berý – Ózbekstannyń TMD aıasyndaǵy ózara qarym-qatynasymyzǵa belsendi úles qosyp jatqanynyń dáleli», - dep atap ótti Sergeı Lebedev.
Sonymen qatar, Mınsk 2023 jylǵy TMD-nyń sporttyq astanasy bolyp tańdaldy. 2024 jyly bul dáreje Armenııanyń Gıýmrı qalasyna beriledi.
TMD Syrtqy ister mınıstrleri keńesiniń otyrysy búgin Samarqanda ótti. Oǵan Ázerbaıjan, Armenııa, Belarýs, Qazaqstan, Qyrǵyzstan, Reseı, Tájikstan, Túrikmenstan, Ózbekstan men TMD Atqarýshy komıtetiniń syrtqy saıasat mekemeleriniń basshylary qatysty.