Tashkent áýejaıynda jolaýshy 54 qoltyraýyn tólin zańsyz alyp ótpek bolǵan

TAShKENT. QazAqparat – Tashkent áýejaıynda reısterdiń biriniń jolaýshysy 50-den astam qoltyraýyn balasyn zańsyz alyp ótpek boldy, dep habarlaıdy QazAqparat menshikti tilshisi Ózbekstannyń Memlekettik keden komıtetine silteme jasap.

Kedenshiler jolaýshynyń joljúginen 54 qoltyraýynnyń balasyn taýyp aldy.

Ol baýyrymen jorǵalaýshylardy jemister men kókónisterdiń arasyna birneshe plastık ydystarǵa tyǵyp qoıǵan.

Júkti skanerin qıyndatý úshin konteınerlerdi juqaltyrǵa (folgaǵa - red.) oraǵan.

Qazirgi ýaqytta bul fakti boıynsha tergeý amaldary júrip jatyr.

Ózbekstanda zań deńgeıinde jabaıy jáne ýly janýarlardy úıde ustaýǵa tyıym salýdy josparlap otyr.

29 tamyzda Ózbekstan Ekologııalyq partııasynyń depýtattary «Janýarlar dúnıesin qorǵaý jáne paıdalaný týraly» zańǵa tıisti ózgerister engizý týraly bastama kóterdi.

Parlamentshiler sońǵy ýaqytta qoǵamdyq orynda, toı-merekelerde, mereıtoılarda jáne basqa da otbasylyq is-sharalarda jyrtqysh jáne ýly jabaıy janýarlardy serýendetý faktileri jıilep ketkenin aıtty.

Bul jaǵdaı aınaladaǵy azamattardyń ómiri men densaýlyǵyna úlken qaýip tóndiredi.

Foto: t.me/ecogovuz