Tartyl Fest týrnıri Atyraýda márege jetti: rekord jańarǵan joq

ATYRAÝ. QazAqparat – «Tartyl Fest» týrnıkke tartylýdan respýblıkalyq festıvali Atyraý qalasynda márege jetti. Rekordtyq kórsetkish jańarǵan joq, dep habarlaıdy QazAqparat tilshisi.

Prezıdent janyndaǵy «Dara» daryndylardy qoldaý qory uıymdastyrǵan Atyraýdaǵy festıval Sultan Beıbarys alańynda ótti.

Respýblıkalyq sport festıvaline jergilikti 275 turǵyn qatysty.

Qatysýshylardyń arasynda 6 jasar eki búldirshin bar. Onyń biri – Ibragım Asqaruly týrnıkke 15 ret tartylyp, kórermen qoshemetine bólendi.

Al, ekinshisi – Ábdirahman Esenjan 8 márte tartylyp, sportqa beıim ekenin kórsetti.

Atyraýlyqtardyń arasynan eń úlken qatysýshylardyń legin bastaǵan Baqtyǵalı Qarakózov týrnıkke 4 márte tartylsa da, jastardyń qulshynysyn oıatty.

«Týrnıkke tartylý – jas talǵamaıtyn sport túri. Zeınetker bolsam da týrnıkke tartylýdy áli tastamaı kelemin. Bul jarysqa jastardy jigerlendirý, qulshynysyn arttyrý úshin qatystym», -deıdi Baqtyǵalı Qarakózov.

Jarysqa qatysqan 275 atyraýlyq rekordtyq kórsetkishti jańartýǵa tyrysqan edi. Alaıda, bul múmkin bolmady.

Degenmen, atyraýlyqtar týrnıkke 4 917 márte tartyldy.

Onyń ishinde eń úzdik nátıje Amangeldi Ýtepovtiń enshisine jazyldy.

Ol týrnıkke ekinshi kezeńde 33 márte tartylyp, 80 kelige salmaq kategorııasynda úzdik dep tanyldy.

Al, Tımofeı Hvan men Aqjol Salıhadın týrnıkke 32 ret tartylyp, 18-35 jastaǵylar tobynda 65 kelige deıingi salmaqta birdeı nátıje kórsetti.

«Tartyl Fest» týrnıkke tartylý festıvaliniń jeńimpazdary men júldegerleri 1 oryn ıelengeni úshin 200 myń teńge, 2 orynǵa – 100 myń teńge, 3 oryn úshin 50 myń teńgeniń qarjylaı sertıfıkatyna ıe boldy. Birinshi oryn alǵan jeńimpazdarǵa Nur-Sultan qalasynda 8 qyrkúıekte ótetin Grand-fınalǵa joldama berildi. Grand-fınalda 1 orynǵa – 3 mln teńge, 2 orynǵa – 2 mln teńge, 3 orynǵa 1 mln teńgeniń júldesi belgilengen.

18 jasqa deıingiler (55 keli)

1. Danıl Pıskarev

2. Azamat Asqaruly

3. Tileýhan Zınel

18 jasqa deıingiler (55-70 keli aralyǵy)

1. Ulan Jaıshylyq

2. Nurjan Arsen

3. Ersultan Aıtekenov

18 jasqa deıingiler (70 keliden joǵary)

1. Álibı Úristen

2. Álı Baqtyǵalı

3. Beknur Qanataı

18-30 jastaǵylar (65 kelige deıin)

1. Tımofeı Hvan

2. Aqjol Salıhadın

3. Kamıl Hasıpov

18-30 jastaǵylar (65-80 keli aralyǵy)

1. Maksım Ponomarenko

2. Salamat Sabyrov

3. Birjan Amanov

18-30 jastaǵylar (80 keliden joǵary)

1. Artýr Zýbarev

2. Nurlybek Halıdolla

3. Artem Trembach

30 jastan joǵary (80 kelige deıin)

1. Amangeldi Ýtepov

2. Erjan Habýlov

3. Rýslan Jakýpov

30 jastan joǵary (80-90 keli aralyǵy)

1. Talǵat Berimbaev

2. Asylan Shákirov

3. Asylhan Dúısemalıev

30 jastan joǵary (90 keliden astam)

1. Qalı Qýanysh

2. Dosqalı Dosqalıev

3. Yhtııar Qarıbov

«Tartyl Fest» týrnıkke tartylý boıynsha respýblıkalyq sport festıvali Qonaev qalasynda bastalǵan edi.

Budan keıin atalǵan festıval Taldyqorǵan, Almaty, Taraz, Shymkent, Túrkistan, Qyzylorda qalalarynda ótti. Shymkenttegi jarysta Azamat Sapar týrnıkke 41 ret tartylyp, rekordtyq kórsetkishti jańartqan bolatyn.

Al, Qyzylordadaǵy saıysta 75 jastaǵy Aleksandr Kım men 6 jasar balaqaı Jandáýlet Baǵdatuly beltemirge 15 márte tartyldy.

Qonaev qalasynda 10 shildede bastalǵan festıval 6 qyrkúıekke deıin ótedi. Elimizdiń 20 qalasynyń árqaısysynan 27 jeńimpaz anyqtalady.

Olar Nur-Sultan qalasynda ótetin grand-fınalǵa qatysady. Grand fınaldyń júlde qory – 54 mln teńge.

Al, grand-fınal chempıondary Street Workout boıynsha álem chempıonatyna qatysa alady.

Eske sala ketelik, budan buryn Búgin Atyraýda «Tartyl Fest» týrnıkke tartylý festıvali jalǵasatynyn, keıin qatysýshylar arasynda Azııa chempıonatynyń kúmis júldegeri bar ekenin habarlaǵan edik.