Tartyl Fest: petropavldyq Rýslan Kasmanov óz salmaq dárejesinde úzdik atandy

ASTANA. QazAqparat – Tartyl Fest týrnıriniń 30 jastan joǵary 80-90 keli salmaq dárejesindegi qatysýshylar arasynda Rýslan Kasmanov jeńiske jetti, dep habarlaıdy QazAqparat tilshisi.

Petropavldyq Rýslan Kasmanov týrnıkke 33 ret tartyldy. Aıta keteıik, bul kórsetkish jeńimpazdyń irikteýdegi nátıjesinen tómen. Ol óńirlik irikteýde týrnıkke 38 ret kóterilgen bolatyn.

Qosa ketsek, ázirge týrnırdiń rekordy tarazdyq qatysýshy Evgenıı Namǵa tıesili. Ol týrnıkke 52 ret tartyldy.

Eske salaıyq, qazir elordadaǵy Kongress ortalyqta Tartyl Fest respýblıkalyq týrnıriniń grand-fınaly ótip jatyr. Tartysty básekeni «Jibek Joly» telearnasynyń tikeleı efıri men youtube arnasynan kórýge bolady.