Tartyl Fest: Óskemennen úshinshi qatysýshy úzdikter qatarynda

ASTANA. QazAqparat – Tartyl Fest týrnıriniń grand-fınalynda 18 jasqa deıingi 55-70 keli salmaq dárejesindegi qatysýshylar arasynda Egor Nogın jeńiske jetti, dep habarlaıdy QazAqparat tilshisi.

Óskemendik jeńimpaz 16 jasta. Ol fınaldyq básekede týrnıkke 32 ret tartyldy. Osylaısha, irikteýdegi óziniń rekordyn (28 ret) jańartyp otyr.

Egor Nogın irikteý kezeńinde bergen suhbatynda Tartyl Fest týrnırine aqsha úshin emes, álem chempıonatyna joldama alý úshin qatysyp jatqanyn aıtqan bolatyn.

Eske sala keteıik, festıval uıymdastyrýshylary jeńimpazdardy Qazaqstan quramasy atynan álem chempıonatyna aparý boıynsha kelissózder júrip jatqanyn málimdegen edi.

Buǵan deıin habarlaǵanymyzdaı, qazir elordadaǵy Kongress ortalyqta Tartyl Fest respýblıkalyq týrnıriniń grand-fınaly ótip jatyr. Tartysty básekeni «Jibek Joly» telearnasynyń tikeleı efıri men youtube arnasynan kórýge bolady.