«Tartyl fest»: Qyzylordalyqtar rekordty jańartýǵa jaqyn qaldy
Qala turǵyndary keshkilik mádenıet jáne demalys parkine jınaldy. Elimiz boıynsha Qonaev qalasynda bastalǵan festıvalge qyzylordalyqtar tarapynan erekshe qyzyǵýshylyq boldy. Oǵan qatysýǵa nıet bildirgen azamattar arasynda eń egdesi 75 jasta bolsa, eń kishisi 6 jasta. Olarǵa qoldaý bildirýge kelgen jankúıerler sany az bolǵan joq.
Jarys keshki saǵat 19.30 shamasynda bastaldy. Saıys barysynda jastardyń belsendiligi kózge kórinip turdy. Árbiriniń jarysqa daıyndyǵy ańǵaryldy. Bir-birinen asyp túsýge tyrysty. Jarys uıymdastyrýshylar da qyzylordalyq jastardyń belsendiligin erekshe atap ótti.
Bıyl 75 jasqa kelgen Aleksandr Kım qarttyǵyna qaramastan saıysqa qatysýǵa bel býǵan eken. Týrnıkke tartylý barysynda jas kezinde bul sportqa jaqyn bolǵany kórinip turdy. Ol kisi 16 márte tartylyp, kópshilik tarapynan qoshemetke ıe boldy.
«Men jas kezimnen sportqa jaqynmyn. Áli de sergektikti serik etip kelemin. Sonyń arqasynda densaýlyǵyma aıtar synym joq. Jastarǵa aıtarym, árdaıym sportqa jaqyn bolsyn», - deıdi ol.
Sondaı-aq, 6 jastaǵy Jandáýlet Baǵdatuly 16 márte tartylyp, jarysty uıymdastyrýshylar tarapynan oń baǵasyn aldy.
«Bala bolsam da týrnıkke tartylýdy jaqsy kóremin. Saıys bolatynyn estip ákemnen ol jaıynda surap bildim. Aldaǵy jyldary men kórsetkishimdi jaqsartqym keledi. Sol maqsatta daıyndalamyn», - dedi ol.
Saıys úsh saǵattaı ýaqyttan keıin máresine jetti. Jarysty uıymdastyrýshylar júldegerlerdi anyqtaýǵa nazar aýdardy.
Keıbir saıysqa qatysýshylar birdeı kórsetkishke jetti. Sondyqtan olar taǵy bir márte baq synaýǵa múmkindik aldy. Sol arqyly jeńimpazdar men júldegerler anyqtaldy.
Aıta keterligi, qyzylordalyq s aıyskerler arasynan 18-30 jastaǵylar (65-80 keli) aralyǵynda synǵa túsken Aqberen Qýandyqov buǵan deıingi rekordty jańartýǵa jaqyn qaldy. Ol týrnıkke 40 márte tartyldy.
Eske salsaq, budan buryn shymkenttik turǵyn Azamat Sapar týrnıkte 41 ret tartylyp, rekordtyq kórsetkishke jetken edi.
18 jasqa deıingiler (55 keli)
1. Rodıon Tsoı
2. Mıras Joldasov
3. Janarbek Jumanov
18 jasqa deıingiler (55-70 keli aralyǵy)
1. Muhamedhan Saıdbattal
2. Shyńǵys Berdıev
3. Dastan Ersultan
18 jasqa deıingiler (70 keliden joǵary)
1. Meıirjan Muratbekuly
2. Maksım Vıtchenko
3. Ramazan Ábsadyq
18-30 jastaǵylar (65 kelige deıin)
1. Samat Ótesh
2. Yrysbek Dastanbekuly
3. Danııar Keńesov
18-30 jastaǵylar (65-80 keli aralyǵy)
1. Aqberen Qýandyqov
2. Eljan Meńlibaev
3. Baqytsultan Serik
18-30 jastaǵylar (80 keliden joǵary)
1. Vladıslav Kım
2. Ulaǵat Berkin
3. Dinıslam Ómirǵalı
30 jastan joǵary (80 keli)
1. Mádı Aıbek
2. Sáken Amanov
3. Ábjan Aıbek
30 jastan joǵary (80-90 keli aralyǵy)
1. Qanat Dúkenbaev
2. Aıdos Muhtarov
3. Jamaǵat Elýbaev
30 jastan joǵary (90 keliden astam)
1. Erjan Ýálıev
2. Nurlan Senbekov
3. Baqytjan Jandarbaev
Festıval sońynda kópshilik estrada juldyzy Mıras Júginisovtiń qatysýymen ótken kontsertti tamashalady.
Jeńimpazdar men júldegerlerdi Qyzylorda qalalyq mádenıet bóliminiń basshysy Jaǵypar Tájmahanov, «Dara» talanttardy qoldaý qorynyń basshysy Nurlan Qoıanbaev, joba ambassadory, qoǵam qaıratkeri, jattyqtyrýshy ári akter Aıtym Jaqypov jeńimpazdardy marapattady.
Eske salsaq, «Tartyl Fest» týrnıkte tartylý boıynsha respýblıkalyq sport festıvali Qonaev qalasynda bastalǵan bolatyn.
Sondaı-aq, buǵan deıin festıval Taldyqorǵan, Almaty, Taraz, Shymkent, Túrkistan qalalarynda jalǵasyn tapty.
Aıta ketsek, festıval 10 shilde - 6 qyrkúıek aralyǵynda ótkiziledi. Festıval elimizdiń 20 qalasynda uıymdastyrylyp, ár qaladan 27 jeńimpaz anyqtalady. Olar Nur-Sultan qalasynda ótetin grand-fınalǵa qatysady dep kútilýde.
Grand-fınaldyń júlde qory - 54 mln teńge. Al, Grand-fınal chempıondary Street Workout boıynsha álem chempıonatyna qatysa alady.