Tartyl Fest festıvali búgin Jezqazǵanda ótedi

JEZQAZǴAN. QazAqparat - Týrnıkte tartylýdan Tartyl Fest respýblıkalyq sport festıvali Jezqazǵan qalasynda jalǵasyn tapty, dep habarlaıdy QazAqparat tilshisi.

Tartyl Fest Qazaqstan Respýblıkasy Prezıdentiniń janyndaǵy «Dara» qoǵamdyq qorynyń qoldaýymen ótip jatyr.

Búgin Jezqazǵan atalǵan sporttyq shara ótetin 15-inshi qala.

«Rotondo» alańynda ótetin týrnıkke tartylý jarysyna irikteý, ólsheý jáne qatysýshylarǵa nómirler berý saǵat 9:00-den 11:00-ge deıin ótedi. Al resmı saǵat 14:00-de ashylady.

Sporttyq báseskeniń juldyzdy qonaǵy ári hedlaıneri - belgili qazaqstandyq ánshi Nurjan Kermenbaev. Aldyn ala málimetter boıynsha, ánshiniń qatysýymen kontsert 22:30-da bastalady.

Tartyl Fest festıvaliniń barlyq qatysýshylaryna qoıylatyn talap pen ereje birdeı. ıAǵnı týrnıkke durys jáne kóp tartylýyńyz qajet.

Sondaı-aq, jarys qatysýshylardyń salmaǵy men jas ereksheligine qaraı 9 sanat boıynsha ótedi. Qatysýshylardyń sheberligin resmı tóreshiler alqasy qadaǵalaıdy.

Qatysýshylar sanaty:

18 jasqa deıin (ıýnıorlar):

1) salmaǵy - 55 kg deıin;

2) salmaǵy – 55-ten 70 kg-ge deıin;

3) salmaǵy - 70 kg bastap jáne odan joǵary;

18 jastan 30 jasqa deıin (jastar):

4) salmaǵy - 65 kg deıin;

5) salmaǵy – 65-ten 80 kg-ǵa deıin;

6) salmaǵy - 80 kg bastap jáne odan joǵary;

30 jastan joǵary (eresekter):

7) salmaǵy - 80 kg deıin;

8) salmaǵy - 80-den 90 kg-ǵa deıin;

9) salmaǵy - 90 kg jáne odan joǵary.

Aıta keteıik, týrnıkke tartylýdan Tartyl Fest festıvali elimizdiń 20 qalasynda uıymdastyrylyp, ótip jatyr. Báskege kez kelgen azamat qatysyp, qarjylaı utysqa ıe bolý múmkindigi bar. Ár qaladan 27 jeńimpaz tańdalady.

Bastaýyn 10 shildede Almatydan alǵan sporttyq shara 6 qyrkúıekte elordada qorytyndylanady dep josparlanyp otyr.

Týrnıkke ózgelerden kóp ári durys tartylyp jeńimpaz atanǵan azamatqa ıaǵnı 1 oryna ıesine 200 myń teńge, 2 oryn úshin 100 myń teńge jáne 3 oryn júldegerine 50 myń teńge qarjylaı syıaqy beriledi.

Taǵy bir jaıt, ár qalanyń jeńimpazdary (9 sanat boıynsha) Nur-Sultan qalasynda ótetin grand-fınalǵa qatysady. Aqtyq synnyń jalpy júlde qory 54 mln teńgeni quraıdy.

Al grand-fınal chempıondary «Street workout» boıynsha álem chempıonatyna joldama alady. Joba ambassadory - qoǵam qaıratkeri, jattyqtyrýshy jáne akter Aıtym Jaqypov. Ol Qazaqstanda jáne álemde street workout boıynsha birneshe dúrkin rekordshy, Streetlifting boıynsha Eýropa rekordsmeni, sondaı-aq Qazaqstandaǵy street workout qozǵalysynyń negizin qalaýshylardyń biri. Street workout-kóshedegi sport alańdarynda túrli jattyǵýlar oryndalatyn áýesqoı sport túri.