Tartyl Fest: 81 jastaǵy kókshetaýlyq qarııa 24 ret týrnıkke tartyldy

KÓKShETAÝ. QazAqparat – Kókshetaýda ótip jatqan týrnıkke tartylýdan Tartyl Fest respýblıkalyq sporttyq festıvalinde 81 jastaǵy qarııa Vladıslav Izıýmskıı tamasha óner kórsetti, dep habarlaıdy QazAqparat tilshisi.

Jarysqa qatysýshylardyń arasynda jasy eń úlken qarııanyń aıtýynsha, Tartyl Fest festıvali salaýatty ómir saltyn ustanǵan jastar men jasóspirimder úshin jaqsy motıvatsııa.

«Osyndaı jarystyń ótetin jaqynda ǵana estidim. Sol sebepti, tyńǵylyqty daıyndalyp úlgermeı, óz deńgeıimnen az tartyldym. Degenmen, jas kezimde sportpen shuǵyldanǵandyqtan 24 ret tartylý men úshin onsha aýyr bolmady. Jalpy, atmosfera kúshti, barlyǵy keremet bolyp jatyr», - deıdi Tartyl Fest festıvaline qatysýshy 81 jastaǵy qarııa Vladıslav Izıýmskıı.

Aıta ketsek, Tartyl Fest festıvali elimizdiń 20 qalasynda 10 shilde men 6 qyrkúıek aralyǵynda ótpekshi. Kókshetaý QR Prezıdenti janyndaǵy «Dara» talanttardy qoldaý qorynyń uıymdastyrýymen ótip jatqan atalmysh festıvaldi qabyldap otyrǵan 14-shi qala. Kókshetaýda jarysqa barlyǵy 278 adam qatysty. Onyń ishinde eń jasy 5 jasar qyz şýchelik Valerııa Dmıtrıeva boldy.

Tartyl Fest-ke qatysýshylar 9 sanat – salmaq jáne jas erekshelikteri boıynsha jarysady. Ár qaladan 27 jeńimpaz tańdalyp alynady, jeńimpazdar Nur-Sultan qalasynda ótetin aqtyq synǵa joldama alady. Grand-fınaldyń júlde qory – 54 mln teńge.