Tártipsizdikter kezinde jaraqat alǵan 23 adam kúzetiletin palatalarda em alyp jatyr

NUR-SULTAN. QazAqparat – Qańtardyń basyndaǵy tártipsizdikter kezinde jaraqat alǵan 23 adam kúzetiletin palatalarda em alyp jatyr. Bul týraly QR Іshki ister mınıstrliginiń resmı ókili Nurdildá Oraz vedomstvonyń aqparat alańyndaǵy onlaın brıfıngide aıtty, dep habarlaıdy QazAqparat tilshisi.

«Qańtar aıynda bolǵan jappaı tártipsizdikter kezinde polıtsııa kúshteri men áskerı qyzmetshiler elde quqyqtyq tártipti ornatý boıynsha aýqymdy operatsııalar júrgizdi. Tergeý ızolıatorynyń ishki tártip qaǵıdalaryna sáıkes, ýaqytsha ustaý ızolıatoryna túsken barlyq adamdar COVID-19 vırýsyna PTR-testeriniń teris nátıjesimen qabyldanady jáne mindetti túrde medıtsınalyq tekserýden ótedi», - dedi mınıstrliktiń resmı ókili.

Onyń aıtýyna qaraǵanda, dene jaraqattary nemese aýrýlary anyqtalǵan kezde olarǵa dereý medıtsınalyq kómek kórsetilýde.

«Árbir osyndaı fakt týraly prokýratýra organdaryna habarlanady. Mekemede bilikti medıtsınalyq kómek kórsetý bolmaǵan jaǵdaıda olar azamattyq densaýlyq saqtaý uıymdaryna jetkizilip, kúzetiletin palatalarda emdeledi. Búginde osyndaı tártippen 23 adam em alýda», - dedi Nurdildá Oraz.