Tártip saqshylary gıdrotsıkl ıelerimen túsindirý jumystaryn júrgizýde - Almaty oblysy

TALDYQORǴAN. QazAqparat- Alakól aýdanynyń tártip saqshylary kól jaǵasynda qyzmet kórsetetin gıdrotsıkl ıelerimen profılaktıkalyq túsindirý jumystaryn júrgizdi, dep habarlaıdy QazAqparat tilshisi.

«Sońǵy jańalyqtardan qaıǵyly oqıǵanyń oryn alǵany bárimizge málim. Atalǵan keleńsiz jaıttyń qaıtalanbaýy jáne onyń aldyn alý maqsatynda biz kól jaǵasynda qyzmet kórsetetin gıdrotsıkl ıelerimen túsindirý jumystaryn júrgizdik. Sý kóligin júrgizý kezinde qoldanylatyn qaýipsizdik sharalaryn qatań saqtaý boıynsha nusqaý berdik. Mundaı kólikti basqarýda keıbir absolıýtti erejeler bar, olardy saqtaý azamattardyń qaýipsizdigin qamtamasyz ete alady», – dedi Alakól APB bastyǵy Qýat Ospanov. Buǵan tártip saqshylarymen qatar tótenshe jaǵdaı qyzmeti de tartyldy. Іs-shara barysynda kól jaǵasynda qyzmet kórsetetin barlyq gıdrotsıkl ıeleri qamtyldy. «Sýǵa shomylý maýsymynda barlyq azamattardy qaýipsizdik sharalaryn qatań saqtaýǵa shaqyramyz. Biz saqtyq sharalaryn saqtasaq qana qaıǵyly oqıǵalardyń aldyn ala alamyz», – dep tolyqtyrdy Q. Ospanov.

Esterińizge sala keteıik , Shyǵys Qazaqstan oblysyndaǵy Alakólde er adamdy gıdrotsıkl qaǵyp, kóz jumǵanyn habarlaǵan bolatynbyz.