Tarıhymyzdaǵy qasiretti oqıǵalar eshqashan umytylmaıdy jáne onyń qaıtalanýyna jol berilmeıdi - G.Ábdiqalyqova (FOTO)
Іs-sharaǵa memlekettik organdardyń ókilderi, máslıhat depýtattary, qoǵam qaıratkerleri, «ALJIR» tutqyndarynyń urpaqtary, sondaı-aq elorda turǵyndary qatysty.
Memlekettik hatshy Qazaqstan Respýblıkasynyń Prezıdenti N.Nazarbaevtyń: «Biz tótep bere bildik, stalınızmniń búkil kinásiz qurbandaryna kómektestik, óz tóńiregimizge barlyq etnostar men konfessııalardy biriktire otyryp, óz táýelsizdigimizge beıbit jolmen qol jetkizdik» degen sózine toqtalyp ótti.
G.Ábdiqalyqova 1921-1954 jyldary 3,7 mln-nan astam adam sottalǵanyn, onyń 640 myńnan astamy atylǵanyn, sonyń ishinde Sáken Seıfýllın, Іlııas Jansúgirov, Beıimbet Maılın sııaqty Qazaqstannyń zııaly qaýym ókilderi, Keńes halyq komıssarıaty basshylary, oblystyq partııa komıteti hatshylary, oblystyq atqarý komıtetteriniń tóraǵalary jáne t.b. bolǵanyn aıtty. Memlekettik hatshy tarıhymyzdaǵy ol oqıǵalardyń eshqashan umytylmaıtynyn jáne endi mundaı qasirettiń qaıtalanýyna jol berilmeıtinin aıtty.
2007 jylǵy 31 mamyrda Saıası qýǵyn-súrgin qurbandaryn eske alý kúniniń 10 jyldyǵy aıasynda «ALJIR» - burynǵy Aqmola halyq jaýlary áıelderiniń lageri ornalasqan Aqmol aýylynda saıası qýǵyn-súrgin qurbandarynyń «ALJIR» murajaı-memorıaldyq kesheni Qazaqstan Respýblıkasynyń Prezıdenti N.Nazarbaevtyń bastamasymen ashylǵan edi.
Arnaýly lager 1937 - 1953 jyldary jumys istedi. Onda Turar Rysqulov, Nyǵmet Nurmaqov, Sanjar Asfendııarov sııaqty qazaq halqynyń kórnekti qaıratkerleriniń jubaılary, sondaı-aq, marshal Mıhaıl Týhachevskııdiń ápkesi, Avel Enýkıdzeniń jubaıy men qyzy jáne t.b. qamaýda bolǵan.
Saıası qýǵyn-súrgin qurbandarynyń «ALJIR» murajaı-memorıaldyq kesheninde «Qaıǵy qaqpasy» monýmenti, sondaı-aq «Kúres pen úmit» jáne «Ashyný men dármensizdik» sııaqty eki músindik kompozıtsııa, «Eske alý qabyrǵasy» bar.