Tarıhtaǵy eń úlken djekpot: Powerball lotoreıasynyń jeńimpazy $2 mlrd alýy múmkin

ASTANA. QazAqparat - 5 qarashada amerıkalyq Powerball lotoreıasynyń jeńimpazy anyqtalmaǵandyqtan syılyq qory 1,9 mlrd dollarǵa deıin ósti. Bul - lotoreıa tarıhyndaǵy eń úlken soma, dep habarlaıdy QazAqparat VVS agenttigine silteme jasap.

Jeńimpaz dúısenbide anyqtalýy múmkin, eger olaı bolmasa, djekpot qaıta ósedi.

Úsh aı boıy eshkim alty nómirdi boljaı almaǵandyqtan, júlde utysy óse berdi.

Buǵan deıin 2016 jyly djekpottyń kólemi boıynsha álemdik rekord ornaǵan bolatyn. Ol kezde 1,59 mlrd dollardy Powerball úsh oıynshysy bólip alǵan bolatyn.

Senbi kúni alty nómiri de sáıkes keletán bılet tabylmasa la, 16 adamda bes nómir birdeı bolǵan. Olardyń árqaısysy mıllıon dollardan aldy.

Powerball bıletteri 2 dollar turady jáne jeńimpazda qazirgi ýaqytta 929 mıllıon dollarǵa baǵalanǵan bir rettik (birshama az) tólemdi nemese 29 jyl ishinde aýdarylatyn annýıtettik (ıaǵnı jyldyq tólem) tolyq somasyn alý múmkindigi bar.

Jeńimpazdardyń barlyǵy derlik aqshalaı tólem optsııasyn tańdaıdy.

1992 jyly qurylǵan lotereıaǵa AQSh-tyń 50 shtatynyń 45-i, astanasy Vashıngton, sondaı-aq Pýerto-Rıko jáne Vırgın araldary ornalasqan Kolýmbııa okrýgý qatysady.

Djekpotty bılette barlyq alty negizgi nómir sáıkes kelgen kezde utyp alýǵa bolady. Eger mundaı bılet birneshe bolsa, soma olardyń ıeleri arasynda teń bólinedi.

Djekpot sońǵy ret 3 tamyzda anyqtalyp, jeńimpaz 206,9 mln dollar alǵan bolatyn.

Foto: www.bbc.com