Tarıhqa aınalǵan qundy sýretter: 100 jyl burynǵy Kereký óńiri
Kórme arqyly Memleket basshysynyń «Uly dalanyń jeti qyry» maqalasyna ún qosqan murajaı qyzmetkerleri jyljymaly kórme arqyly kelýshilerdi tarıhı-mádenı mańyzy, ǵylymı qundylyǵy bar qoljazbalar jáne sırek kitaptarmen tanystyryp, Pavlodar oblystyq G.N.Potanın atyndaǵy tarıhı-ólketaný murajaıynyń murasyn nasıhattamaq.
«Tamyry tereń týǵan jer» kórmesi 3 bólimnen turady. Birinshi bólimde kórme qonaqtary murajaı qorynan Kereký, Ertis óńiriniń tarıhy týraly derektermen tanysady. Kórmege Ábilqaıyr hannyń kantsler Golovınge jazǵan hatynyń, Sibir komıtetiniń KOrıakov stanıtsasyna shtattan tys qala dárejesin berý jáne ony Pavlodar dep ataý týraly jarlyǵynyń, ıAmyshev bekinisi josparynyń fotokóshirmeleri saqtalǵan. Baıanaýyl syrtqy okrýgynyń aǵa sultany Musa Shormanovtyń (1818-1884) eńbekteri erekshe mańyz ıe ekeni belgili. Kórmede Shormanovtyń jeke zattary, fotosýretteri men maqalalarynyń kóshirmeleri usynylady.
«Kórmege Musa Shormanovtyń shyraǵdany, akademık Álkeı Marǵulannyń jeke zattary, kıimderi qoıyldy. Alǵashqy ret osyndaı taqyryptyq qoljazbalar kórmesin ótkizip jatyrmyz. Bul fotosýretterdiń bárin Kereký óńiriniń tuńǵysh kásibı fotografy, ólketanýshy Dmıtrıı Bagaev túsirgen. Asharshylyq pen kósh jaıly kóptegen muralary bar. Bagaevqa kezinde óńirimizdiń tarıhyn sýretke túsirý tapsyrylǵan eken. HІH ǵasyrdyń aıaǵy men HH ǵasyrdyń ortasyna deıin qazaq halqynyń áleýmettik turmysy, salt-dástúri jaıly ol birshama mura qaldyryp ketken», - deıdi Pavlodar oblystyq G.N.Potanın atyndaǵy tarıhı-ólkeýtaný murajaıy dırektorynyń orynbasary Gúljaına Álıeva.
Gúljaına Álıevanyń aıtýynsha, Pavlodardaǵy murajaıda Dmıtrıı Bagaevtyń asharshylyq jyldary týraly túsirgen jasyryn sýretteri bar. Kórmeniń «Obektıvte Pavlodar. Ertis óńiri» bóliminde D.P.Bagaevtyń memorıaldyq úı-murajaı qorynan alynǵan materıaldarmen birshama tanysýǵa bolady. Onda fotograftyń qoljazbalary men fotosýretteri usynylǵan. Sol sekildi Kereký óńirinen áıgili tulǵalardyń - ǵalymdar men jazýshylardyń, memleket qaıratkerleriniń qoljazbalary, kitaptary men jeke zattary kórmeden oryn tapqan.
Kórmeni kóppen birge tanymal ǵalym, fılosofııa ǵylymdarynyń doktory Ǵarıfolla Esim men belgili tarıhshy Jambyl Artyqbaev tamashalap, kelýshiler tarıhı derekter jaıly birshama maǵlumat aldy.