Tarıhı sát! Abıba Ábýjaqynova – Azııa oıyndarynyń kúmis júldegeri

<p>Sanaýly sátter buryn dzıýdoshy Abıba Ábýjaqynova (48 kg) Qytaıdyń Hanchjoý qalasynda ótip jatqan HІH jazǵy Azııa oıyndarynda kúmis júldeger atandy, dep habarlaıdy QazAqparat Sportty damytý dırektsııasynyń baspasóz qyzmetine siltep.</p>

Ol fınalda 3 dúrkin álem chempony, 2018 jylǵy Djakatadaǵy Azııa oıyndarynyń jeńimpazy japonııalyq Natsýmo Tsýnodaǵa ese jiberdi. Ábıba – áıelder arasynda dzıýdodan sary qurlyq oıyndarynyń fınalyna shyqqan Varvara Masıaınadan keıingi (1998 jyly) ekinshi sportshy.

Ulttyq qurama sportshysy Hanchjoýdaǵy alǵashqy beldesýinde Fılıppın sportshysyn vazarı ádisimen, sosyn, Soltústik Koreıa palýanyn utty. Al jartylaı fınalda Ońtústik koreıalyq Lı Hek Eng eskertý alyp, Ábýjaqynovaǵa jol berdi.

Aıta keteıik, Abıba Ábýjaqynova bıyl aqpanda Portýgalııada Gran-Prı básekesinde top jarǵan (áıelder arasynda) tuńǵysh qazaq dzıýdoshyna aınalǵan. Sondaı-aq ol – Otgontsetseg Galbadrahtan keıin qazaqstandyq arýlar arasynan álem chempıonatynda medal alǵan sportshy.