Tarıhı-mádenı murany qorǵaý qyzmeti memlekettik qoryq-mýzeılerge júkteledi

NUR-SULTAN. QazAqparat – Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine kınematografııa jáne mádenıet máseleleri boıynsha ózgerister men tolyqtyrýlar engizý týraly» zań jobasy maquldandy, dep habarlaıdy QazAqparat tilshisi.

Qujatta «Kınematografııa týraly» jáne «Mádenıet týraly» zańdarǵa túzetýler engizý qarastyrylǵan.

«Memlekettiń ishinde jáne onyń aýmaǵynan tys jerde memleket esebinen ótkiziletin mádenı is-sharalardy uıymdastyrý jáne qarjylandyrýdyń jańa qaǵıdalary men tásilderi bekitiledi. Ekinshiden, tarıhı-mádenı murany qorǵaý qyzmeti memlekettik qoryq-mýzeılerge júkteledi. Búginde elimizde 12 respýblıkalyq jáne 3 kommýnaldyq qoryq-mýzeı jumys isteıdi. Olardyń ıeliginde 500-den astam tarıhı-mádenı mura obektisi bar. Qoldanystaǵy zańnamada olardy qorǵaý qyzmeti anyqtalmaǵan. Bizdiń túzetý osy olqylyqty joıady», - dedi Mádenıet jáne sport mınıstri Dáýren Abaev.

Onyń aıtýynsha, memlekettik qarjylyq qoldaý alý úshin kınematografııalyq qyzmet sýbektileriniń keńeıtilgen. Endi qarjylandyrýdy tek JShS nemese qoǵamdyq qorlar ǵana emes, jeke kásipkerler de alatyn bolady.

«Túzetýdiń maqsaty – óz isin jańa bastaǵan rejısserlerdi, debıýttik jáne festıvaldik jumystardy qoldaý», - dedi mınıstr.

Budan buryn habarlanǵandaı, Memlekettik ulttyq kınony qoldaý ortalyǵy 62 jobany iske asyrdy.

Vıdeodan alyn ǵ an kadr