Tarıfti kóterý sharalary eldi únemdeýge shaqyrýǵa negizdelgen - Tóleýtaı Rahymbekov
Bul týraly búgin Astanadaǵy energııa tıimdiligi boıynsha konferentsııada «Turǵyn úı-kommýnaldyq sharýashylyqty jańǵyrtý men damytýdyń qazaqstandyq ortalyǵy» AQ basqarma tóraǵasy Tóleýtaı Rahymbekov aıtty.
Aıta keteıik, búgin elordada Jahandyq ekologııalyq qordyń qarjylyq qoldaýymen «Kommýnaldyq jylýmen jabdyqtaýdyń energııa tıimdiligin arttyrý úshin kedergilerdi joıý» atty BUU Damý baǵdarlamasy men Qazaqstan Úkimetiniń birlesken jobasynyń aıaqtalýyna qatysty kommýnaldyq jylý salasynda energııa tıimdiligin arttyrý máselesi boıynsha qorytyndy konferentsııa ótip jatyr.
«Tarıfter 20 paıyzǵa kóterildi dep kúzde úlken qoǵamdyq pikir týyndaǵan bolatyn. Syrttan qaraǵan kezde tarıfter edeýir kóterilgendeı. Alaıda, búginde Qazaqstanda sýdyń ortasha baǵasy bir tekshe metri úshin 40 teńgeni quraıdy. Sonda ár tutynýshy bir aıda sýǵa 160-180 teńgeden tóleıdi. Atap aıtqanda, bir aıda 20 paıyzdyq ósim qosymsha 36 teńgeni qalyptastyrdy. ıAǵnı, 36 teńgege adamdardyń shyǵystary artty. Bul turǵyda osy kórsetkish kóp pe álde az ba? Mysaly, Almatyda avtobýspen bir márte júrý 80 teńgeni quraıdy»,-dedi T. Rahymbekov.
Bul turǵyda ol sýdy únemdeý kerektigin qadap aıtty. Basqarma tóraǵasynyń sózine qaraǵanda, elimizde bir adam bir tekshe metr sý úshin bir qorap temeki qunynan az tóleıdi.
«Jalpy tarıfterdi kóterý - kommýnaldyq kásiporyndardyń tabysyn joǵarylatý emes. Tarıfti kóterý sharalary eldi únemdeýge shaqyrýǵa negizdelgen, ıaǵnı, resýrstardy únemdeýge tárbıeleý máselesi. Máselen, Polsha men Chehııada tarıfter Qazaqstannan 3-4 esege joǵary bolǵanymen, olarda bir sharshy metrge shaqqanda bir adam bizge qaraǵanda eki ese tómen tóleıdi. Sebebi, bul elderde tarıfterdi kótergennen keıin únemdeý týraly oılana bastaǵan»,-dedi ol.