Tárbıeshilerdiń jalaqysyn kóbeıtý kerek – Qasym-Jomart Toqaev

NUR-SULTAN. QazAqparat – Balabaqshany emes, tárbıeshini attestatsııalaý qajet. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Kelesi mańyzdy másele – bilim berý júıesi týraly. Bul sala ult sapasyn jaqsartý isinde asa mańyzdy ról atqarady. Qazaqta «El bolamyn deseń, besigińdi túze» degen sóz bar. Sondyqtan mektepke deıingi tárbıe jumysy basty nazarda bolýy kerek. Alaıda bizde ekiden alty jasqa deıingi balalardyń jartysynan astamy ǵana balabaqshaǵa barady. Mundaı olqylyqqa jol berýge bolmaıdy», - dedi Memleket basshysy.

Prezıdent balalardy balabaqshamen qamtamasyz etý máselesin túpkilikti sheshý qajet ekenin aıtty.

«Oǵan qosa, tárbıeshilerdiń áleýmettik mártebesin arttyryp, jalaqysyn kóbeıtý kerek. Osy saladaǵy mamandarǵa qoıylatyn naqty talaptar bekitilýge tıis. Olardyń jumys júktemesin de birtindep azaıtqan jón. Óz isine adal ustazdar bilim berý salasynyń damýyna zor úles qosady. Sondyqtan balabaqshany emes, tárbıeshini attestatsııalaý qajet», - dedi Qasym-Jomart Toqaev.