Tarbaǵataı ulttyq parkinde sabanshy vıdeoǵa túsip qaldy

ASTANA. QazAqparat - Tarbaǵataı ulttyq parkinde sabanshy beınejazbaǵa túsirildi, dep habarlaıdy QazAqparat.

Orman sharýshylyǵy jáne janýarlar álemi komıtetiniń málimetinshe, sabanshy – asa saq ári jasyryn tirshilik etetin jyrtqysh sútqorekti ań.

Mysyqtar tuqymdasyna jatatyn janýar denesiniń bir sharshy santımetrinde 9 myńǵa deıin túk ósýi múmkin. Sondyqtan olar -50°C sýyqqa shydaıdy.

Elimizde 1976 jyldan bastap sabanshyny aýlaýǵa tyıym salynǵan.

Eske sala keteıik, buǵan deıin Ústirt qoryǵynda qaraqulaqtardyń fototuzaqqa túskenin jazǵan bolatynbyz.

Ústirt memlekettik tabıǵı qoryǵy aýmaǵyna qoıylǵan fototuzaqqa qaraqulaq tólimen birge túsip qalǵan. Mamandar ony ǵylymı-zertteý jumysy jáne reıd barysynda kórgen.

Foto: instagram.com/qazfwc