Tarbaǵataı aýdanynda eki qabatty qonaq úı órtendi
ShQO Tótenshe jaǵdaılar departamenti baspasóz qyzmetiniń málimetine súıensek, Aqsýat aýylynda dámhana men qonaq úı ornalasqan 2 qabatty ǵımaratta órt shyqqan. Qyzyl jalyn shatyrdyń aǵash qurylymdary men qonaq úı bólmelerindegi jıhazdy sharpydy.
«Oqıǵa ornyna órt sóndirýshiler shuǵyl kelip jetti. Jalyn jalpy aýdany 300 sharshy metrdi sharpydy. Qazirgi ýaqytta sol jerde jeke quramnan 8 adam men 2 avtotsısterna jumyldyrylǵan. Sonymen qatar Aqjar aýylynan qosymsha órt sóndirýshiler kele jatyr. Jergilikti atqarýshy organ ókilderi sý jetkizýdi uıymdastyrdy», - delingen aqparatta.
Qazir órttiń shyǵý sebebi anyqtalyp jatyr. Oqys oqıǵadan eshkim zardap shekpedi
Esterińizge sala ketsek, osyǵan deıin Shyǵys Qazaqstan oblysy Katonqaraǵaı aýdanynda naızaǵaıdan ormanda órt shyqqanyn habarlaǵan bolatynbyz.