Tarazdyń ortalyq alańyna Elbasynyń esimi berildi

TARAZ. QazAqparat – Taraz qalasyndaǵy «Dostyq» ortalyq alańyna Qazaqstannyń Tuńǵysh Prezıdenti Nursultan Nazarbaevtyń esimi berildi, dep habarlaıdy QazAqparat.

Tıisti qaýly «Ádilet» normatıvtik quqyqtyq aktileriniń aqparattyq-quqyqtyq júıesiniń portalynda jarııalanǵan. Qujat mátininde aýmaq halqynyń pikiri eskerilgeni jáne 2019 jylǵy 24 mamyrdaǵy QR Úkimeti janyndaǵy Respýblıkalyq onomastıka komıssııasynyń qorytyndysy bolǵany aıtylǵan. Onyń negizinde Jambyl oblysynyń ákimdigi qaýly etip, óńirlik máslıhat Taraz qalasynyń «Dostyq» alańyn« Nursultan Nazarbaevtyń» esimimen qaıta ataý týraly sheshim qabyldaǵan.

«Osy normatıvtik quqyqtyq akti ádilet organdarynda memlekettik tirkelgen kúnnen bastap kúshine enedi jáne alǵash resmı jarııalanǵan kúnnen keıin kúntizbelik on kún ótken soń qoldanysqa engiziledi», - delingen qujatta.