Tarazdyq polıtsııa departamentine shabýyl jasady degen kúdikpen ustaldy
Bul týraly ol Ortalyq kommýnıkatsııalar qyzmetinde ótken brıfıngide málim etti.
«Búgingi tańda qabyldanǵan sharalar nátıjesinde elimizdiń polıtseıleri 1 430 birlik qarý men 35 myńnan astam oq-dárini taýyp, tárkiledi.
Tárkilengenderdiń ishinde 323 tapansha, 148 avtomat, 195 travmatıkalyq tapansha, 9 granatomet, 69 birlik arnaıy qarý, 8 myltyq, 6 pýlemet jáne basqa qarý túrleri bar.
Aǵymdaǵy jyldyń 29 naýryzynda Jambyl oblysy polıtsııa departamentiniń ǵımaratyna shabýyl jasady degen kúdikpen Taraz qalasynyń turǵyny ustaldy, ol aǵymdaǵy jyldyń 6 qańtaryna qaraǵan túni ákimshilik ǵımarattyń qoımasynan oq qorapshasy bar 4 «makarov» tapanshasyn, 7,62 mm kalıbrli 120 patrondy jáne 12 kalıbrli 11 ańshylyq patrondy urlap ketken.
Urlanǵan qarý kúdiktiniń turǵylyqty jeri boıynsha jeke úıdiń aýlasynda jabdyqtalǵan qoımadan alyndy», - dedi ІІM ókili.
Aıtýynsha, Taraz qalasynyń taǵy bir kúdikti turǵyny Jambyl oblysy polıtsııa departamentinen ózi urlaǵan qarýdy saqtaǵan eki qoımany kórsetti.
«Taraz qalasynyń shetindegi tintý is-sharalary barysynda dalada kómýli eki qorap oqsaýyty tolyq «Kalashnıkov» avtomaty tabyldy. Osy oblystyń Baızaqov aýdanyndaǵy ekinshi qoımadan tórt oqsaýyty bar «Makarov» tapanshasy, eki travmatıkalyq tapansha, 7,62 mm kalıbrli 120 patron tabylyp, tárkilendi.
Bıylǵy 19 naýryzda Almaty qalasy polıtsııa departamenti Krımınaldyq polıtsııa basqarmasynyń qyzmetkerleri Almaty qalasyndaǵy «Kamerad» dúkenine shabýyl jasap, qarý urlaǵan eki qala turǵynyn anyqtady. Olar ózderi jalǵa alynǵan úıdiń aýlasynda ózderi urlaǵan patrony bar 12 kalıbrli tórt «Saıga» ańshylyq myltyǵyn jáne 12 kalıbrli «Sıbergýn» bir ańshylyq myltyǵyn, sondaı-aq eki bronejıletti jasyryp saqtaǵan», - dedi Sanjar Ádilov.
Bas prokýratýra deregi boıynsha, qańtar oqıǵasy kezinde Almaty qalasyndaǵy jappaı tártipsizdikterge 12 uıymdasqan qylmystyq top qatysqan.