Tarazdyq 100 turǵyn karantın bitkenshe tegin ystyq tamaqpen qamtylady

TARAZ. QazAqparat – Jambyl oblystyq jedel shtabtyń uıytqy bolýymen Taraz qalasyndaǵy 100 turǵyn karantın merzimi bitkenshe ystyq túski tamaqpen qamtylatyn bolady, dep habarlaıdy QazAqparat tilshisi.

Atalǵan ıgi iske jomart jandar demeýshilik kórsetýde. Ol úshin oblys ortalyǵyndaǵy muqtaj 100 adam iriktelip alynǵan. Olarǵa túski asty jetkizip berýge volonter jastar da tartylǵan.

Alǵashqy kúngi ystyq tamaq «Chinara» meıramhanasynda daıyndalyp, tarazdyq eriktilerdiń kómegimen úıme-úı jetkizilip berildi.

«Ystyq tamaqpen qamtylatyn adamdardyń sanatyna múmkindigi shekteýli jandar, zeınetaqysy tómen zeınetkerler jáne jaǵdaıy tómen jalǵyzilikti qarttar kirip otyr. 100 adamdy biz arnaıy iriktep aldyq. Karantın ýaqyty bitkenshe osy turǵyndar tús mezgilinde birinshi jáne ekinshi as mázirlik tamaqpen qamtylady. Sondaı-aq sýsyndar men ózge de qajetti zattar jetkiziledi. Múmkindigi shekteýli jáne jalǵyz basty jandarǵa úıme-úı tamaqtaryn jetkizip berýge 10 tarazdyq erikti nıet bildirdi», – deıdi Taraz qalasy ákimdigi ishki saıasat bóliminiń basshysy Ulana Slambekova.

Aıta keteıik, as mázirin «Dámdi taǵamdar» jaýapkershiligi shekteýli seriktestiginiń tóraǵasy Ǵanı Karımov 3 aspazshymen birge tegin ázirlegen.