Tarazdy shańdy daýyl basty

TARAZ. QazAqparat – Jambyl oblysyndaǵy qatty daýyl qalalyq ınfraqurylymǵa aıtarlyqtaı shyǵyn keltirdi, dep habarlaıdy QazAqparat.

Taraz qalasynda nysandardyń jartysynan kóbi elektr jaryǵynan ajyratyldy, elektr tasymaldaý jelileri isten shyqqan, kóptegen shatyrlar julyndy, aǵashtar qulap, avtomobılder búlingen.

Keshe keshke jeldiń sekýndyna 30 metr jyldamdyqpen soǵatyny týraly eskertý jarııalanǵan. Áleýmettik jelilerde Tarazdaǵy 47-shi mekteptiń qasynda oqýshylardyń ústine aǵash qulaǵany týraly habarlandy. Oqýshylardyń ata-analary balalardy úıge alyp ketýge keńes beredi. Jambyl oblysynyń polıtsııa departamentinde júrgizýshilerden múmkindiginshe úıde qalýyn suraıdy.

«Jambyl oblysynyń aýmaǵynda jel ekpiniń 30 m/s deıin kúsheıýine baılanysty kólik júrgizý qaýipti, júrgizýshilerge qyraǵy ári muqııat bolý qajet. Joldardaǵy qaýipsizdik úshin alys saparlarǵa shyqpas buryn, aýa raıy jaǵdaıyn eskerip, qutqarý qyzmetiniń eskertýlerine kóńil bólý kerek. Aýa raıy nasharlaǵan jaǵdaıda eldi mekenderden shyqpaı, qajettilik týyndasa, kóliktiń balamaly túrin paıdalanǵan jón», - delingen vedomstvonyń habarlamasynda.

Jambyl oblysynyń TJD-da ázirge qandaı da bir aqparat berýden bas tartty.