Tarazdy qoıý tútin basty
22:40, 11 Shilde 2022
NUR-SULTAN. QazAqparat - Búgin saǵat 20.00-de Tarazdaǵy «Kazfosfat» JShS mıneraldy tyńaıtqyshtar zaýytynan shyqqan qoıý tútin qalaǵa tarady, dep habarlaıdy QazAqparat oblys ákimdiginiń baspasóz qyzmetine silteme jasap.
Aldyn ala júrgizilgen taldaýlardyń nátıjesi boıynsha ftor qosylystarynyń shamaly joǵarylaǵany baıqalady.
Qazirgi ýaqytta mıneraldy tyńaıtqyshtar zaýyty men qalanyń sanıtarlyq shekarasynda azot sekildi basqa zattardyń kóbeıýi anyqtalmaǵan.
Oblys ákiminiń tapsyrmasymen ekologtar, Tótenshe jaǵdaılar departamentiniń mamandary jáne basqa da jaýapty tulǵalardyń qatysýymen jumys toby quryldy.
«Jumys tobyn Jambyl oblysy ákiminiń orynbasary Rústem Dáýlet basqarady. Qazirgi ýaqytta basqa da aımaqtarda zerdeleý jumystary jalǵasýda. Turǵyndardy sabyr saqtap, tek resmı aqparatqa senýge shaqyramyz!»,-dep habarlady ákimdikten.