Tarazdaǵy blokposttardy baqylaýǵa atty áskerler jumyldyrylýda

TARAZ. QazAqparat – Taraz qalasynda karantın rejımi engizilgennen keıin, qalaǵa kirýge ruqsat almaǵan avtokólik ıeleri tóte joldar arqyly ótýge tyrysýda. Qalaǵa blokposttardy aınalyp ótý áreketteriniń jolyn kesý maqsatynda atpen patrýldeý uıymdastyryldy, dep habarlaıdy QazAqparat.

Atty áskerı patrýldermen Tarazdyń aınalasynda qoıylǵan blokposttardyń jumysy kúsheıtile túsýde. Jaýyngerlik kezekshilikke «Ońtústik»óńirlik qolbasshylyǵy taý-qoryq bólimshesiniń áskerı qyzmetshileri men jaýyngerlik jumyldyryldy.

Atty áskerlerdiń negizgi mindeti – Taraz qalasyna aparatyn aýyl joldaryn patrýldeý, tekseristen ótpegen avtokólikterdi qalaǵa kirýge jol bermeý jáne qoǵamdyq tártipti saqtaý.

- «Ońtústik» óńirlik qolbasshylyǵynyń 91678 áskerı bólimi Tarazǵa at patrýlderin jiberdi. Bul Qazaqstan Qarýly kúshteriniń quramynda áskerı birlik retinde jylqylarmen qamtylǵan jalǵyz bólimshe. Taý-ken-qoryqshy bóliminiń turaqty ornalasqan pýnktinen Taraz qalasyna otyz jaýyngerlik at qarastyryldy. Olardy patrýldeý boıynsha mindetterdi oryndaý kezinde ustaý úshin Taraz garnızonynyń áskerı bólimderiniń biriniń bazasynda qora salynyp, jem-shóp jetkizý máselesi sheshildi,- deıdi atalǵan bólim komandıri Erkin Jolamanov.

Jylqylardy basqarý jáne olarmen jaýyngerlik kezekshilikti tájirıbeli áskerı qyzmetshileri atqarýda. Olardyń aıtýynsha bul janýarlar únemi úıretilip, jaýyngerlik daıyndyqtan ótip otyrady.

«At patrýlinen basqa, Tarazdaǵy jeti blokposttardyń árqaısysynda ishki ister organdarynyń ókilderine kómek retinde bir top áskerı qyzmetshiler táýlik boıy kezekshilik etýde. Sondaı-aq, bizdiń áskerı qyzmetshiler áskerı polıtsııamen birge qalanyń ishinde jaıaý tártip saqshysy qyzmetterin atqarýda. Sondaı-aq, Qazaqstannyń barlyq ońtústik aımaǵy boıynsha kóshelerdi dezınfektsııalyq óńdeýge de atsalysýda», – dep atap ótti «Ońtústik» óńirlik qolbasshylyǵy áskerleriniń qolbasshysy general-maıor Qaıdar Qaraqulov.