Tarazda jyl basynan beri 75 oqýshy úıinen qashyp ketken

TARAZ. QazAqparat - Tarazda sońǵy 5 jyl ishinde qylmys sany eki esege deıin azaıǵan. Al, jyl basynan beri 31 paıyzǵa tómendegen, dep habarlaıdy QazAqparat tilshisi.

Degenmen, jaýapty mamandardyń málimetinshe, jasóspirimder arasyndaǵy jaǵdaı áli de alańdatarlyq. Sebebi, Tarazda 4 aı ishinde 12-14 jas aralyǵyndaǵy 75 mektep oqýshysy úıinen qashyp ketken, 16 jasqa tolmaǵandar arasynda jynystyq qatynasqa túsý faktisi 150 paıyzǵa kóbeıgen,

Taraz qalasynyń prokýrory Nurjan Boranbaevtyń aıtýynsha, úılerinen qashqan jetkinshekterdiń 44-i qyz bala bolsa, 31-i ul. Jalpy, Taraz qalalyq polıtsııa basqarmasynyń profılaktıkalyq esebinde 161 kámeletke tolmaǵan jasóspirim tur.

Jambyl oblysynyń prokýrory Nurǵalym Ábdirovtiń tóraǵalyǵymen «Taraz – qaýipsiz qala» jobasynyń iske asyrylý nátıjesi qaralǵan jıynda, sonymen qatar, Taraz qalasynyń ákimi Baqytjan Orynbekov, qalalyq bilim bóliminiń basshysy Raýshan Qojamjarova atalmysh másele tóńireginde atqarylyp jatqan jumystar boıynsha esep berdi.

Buǵan deıin Jambyl oblysynda 80 jastaǵy qarııa 5 jasar qyzǵa alma berip, uıaly telefonyn alyp ketkenin jazǵan bolatynbyz. Kúdikti baǵasy 132 myń teńge turatyn uıaly telefondy búldirshinge alma berý arqyly aldap, aıyrbastap alǵan.