Tarazda «Uly dalanyń jeti qyry - ultty uıystyratyn uly qundylyq» atty konferentsııa ótti
Sharany uıymdastyrýshy - Jambyl oblystyq ishki saıasat basqarmasy men Taraz memlekettik pedagogıkalyq ýnıversıteti. Konferentsııanyń basty maqsaty - Elbasymyz Nursultan Ábishuly Nazarbaevtyń «Bolashaqqa baǵdar: Rýhanı jańǵyrý» atty baǵdarlamasynyń aıasynda iske asyrylǵan pármendi, birge qol jetkizgen jetistikterdi tizip, ilgerileý protsesiniń júzege asý baǵytyn kórsetý. Ótkeni men búginin, erten týar kúnniń bolmysyn sıpattaǵan bul baǵyttyń jalǵasy retinde taıaýda «Uly dalanyń jeti qyry» atty maqala buqara halyqqa jol tartqany belgili.
«Tarıhı sanany tereńdetip, ulttyq múddege uıystyratyn «Bolashaqqa baǵdar: rýhanı jańǵyrý» maqalasy aıasynda oblysta aýqymdy sharalar atqaryldy. «Qazaqstannyń kıeli jerleriniń geografııasy» tizimine aımaqtan 8 nysan ense, «100 jańa esim» jobasyna 8 adamnyń esimi engizildi. «Respýblıkalyq patrıottar» forýmynda TIGÝ rektory Erbolat Saýryqov «jyl patrıoty» ataǵyna ıe bolsa, «Jomart júrek» syılyǵyn oblystan 4 adam ıelendi», - deıdi oblystyq ishki saıasat basqarmasynyń basshysy Berik Qurmanǵalı.
Al, Memleket basshysynyń «Uly dalanyń jeti qyry» atty strategııalyq maqalasy barsha bolmys-bitimimiz ben qadir-qasıetimizge nár berip, kemel keleshegimizdiń baǵyt-baǵdaryn aıqyndap berdi. Munyń bári - ótkenin maqtan tutyp, óz-ózine senimdi urpaq tárbıeleýde baǵdarsham bolatyn qundylyqtar. Mine, búgingi aǵa býynnyń urpaq aldynda adal atqaratyn bastamalary da osy.
Jıynda tarıh tereńinde jatqan ulttyq ereksheligimiz ben babadan qanǵa daryǵan ózgesheligimizdi utymdy qoldanyp, zamannyń talabyna saı ózgeristerge boıdy lezde úıretý, jarqyn bolashaqqa bastar qadamdy nyq basýdy nasıhattaıtyn joba talqyǵa salyndy. Osy turǵyda Taraz memlekettik pedagogıkalyq ýnıversıtetiniń rektory Erjan Ámirbekuly, Taraz ınnovatsııalyq gýmanıtarlyq ýnıversıtetiniń rektory Erbolat Saýryqov jáne Taraz memlekettik ýnıversıtetiniń prorektory Asqar Abdýaly óz oılaryn ortaǵa saldy.
Oblystyń bilim salasynda eleýli eńbek etip kele jatqan tulǵalar jıylǵan qaýym aldynda uıymdasa oryndalǵan jumystardyń nátıjesimen bólisti. Bilim salasyndaǵy ózgerister men resmı qabyldanǵan sheshimderdiń yqpaly bolashaqta júzege asyrylýy tıis sharalardyń sulbasyn ańǵartty.
Ulttyq qundylyqtardy boıymyzǵa sińire otyryp, aldaǵy kúnderge nyq senimmen qadam basý - bolashaǵymyzdyń jarqyn bolmaǵynyń basty kepili. Jıynda qozǵalǵan negizgi oı osyndaı naqty túıinmen tujyrymdaldy.