Tarazda turmystyq qatty qaldyqtardy óńdeý zaýyty salynady

TARAZ. QazAqparat - «Nur Otan» partııasynyń atynan Taraz qalalyq máslıhatyna kandıdattar Murat Berdalıev pen Serik Jetibaev Taraz qalasyndaǵy «Dámdes Otaý» turǵyn-úı kesheniniń turǵyndarymen kezdesip, úgit-nasıhat jumystaryn júrgizdi, dep habarlaıdy QazAqparat.

Júzdesýde kandıdattar kópshilikke «Nur Otan» partııasynyń baıandy bastamalary týraly áńgimelep berdi. Bul turǵyda aldaǵy jyldary árbir azamattyń ómir súrý deńgeıin jaqsartýǵa basymdyq berilýde.

Qazirgi tańda Taraz qalasynda memlekettik turǵyn úı baǵdarlamalary qarqyndy júzege asyrylýda. Partııa 2025 jylǵa deıin qalada turatyn bir adamǵa shaqqandaǵy baspana kólemin 25,2 sharshy metrge deıin jetkizýdi maqsat etip otyr.

Sonymen qatar Taraz qalasyndaǵy ınjenerlik jelilerdi salý jáne qaıta qurý basym baǵyttar bolyp tabylady. 2025 jylǵa qaraı partııa turǵyn-úı kommýnaldyq sharýashylyq ınfraqurylymyn 52,6%-ǵa deıin tómendetýdi maqsat etedi. Abattandyrý sharalarymen, onyń ishinde sýmen, gazben, jylýmen jáne elektrmen jabdyqtaý boıynsha 360,2 myń adamdy qamtý josparlanǵan.

Budan bólek «Nur Otan» partııasy Taraz qalasynda 2022 jyldyń sońyna deıin turmystyq qatty qaldyqtardy óńdeý/jaǵý zaýytyn salýǵa, 2023 jylǵa deıin 95 gektarǵa jerge aǵash otyrǵyzý arqyly qala aınalasyn kógaldandyrý kólemin ulǵaıtýǵa, 2025 jylǵa deıin Taraz qalasynda tazartý qurylǵylary keshenin salýǵa yqpal etedi.

«Nur Otan» partııasy Taraz qalalyq saılaý qorynyń qarajatynan tólendi.